مەملەكەت باسشىسىنىڭ جارلىعىمەن مۇرات ابۋعاليۇلى نۇرتىلەۋ قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى بولىپ تاعايىندالدى، ول قازاقستان رەسپۋبليكاسى پرەزيدەنتى اكىمشىلىگىنىڭ باسشىسى لاۋازىمىنان بوساتىلدى، دەپ حابارلايدى "ادىرنا" ۇلتتىق پورتالى.
1976 جىلى الماتى قالاسىندا تۋعان.
1998 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتىن تامامداعان.
1998-1999 جىلدارى – قازاقستان رەسپۋبليكاسىنىڭ سىرتقى ىستەر مينيسترلىگى مەملەكەتتىك پروتوكول قىزمەتىنىڭ رەفەرەنتى، اتتاشەسى.
1999-2003 جىلدارى – قازاقستان رەسپۋبليكاسىنىڭ مالايزياداعى اتتاشەسى.
2003-2004 جىلدارى – قازاقستان رەسپۋبليكاسىنىڭ سىرتقى ىستەر مينيسترلىگى ازيا جانە افريكا دەپارتامەنتىنىڭ ەكىنشى حاتشىسى.
2004-2006 جىلدارى – قازاقستان رەسپۋبليكاسى سىرتقى ىستەر ءمينيسترىنىڭ كەڭەسشىسى.
2007 جىلى – قازاقستان رەسپۋبليكاسى سىرتقى ىستەر ءمينيسترى حاتشىلىعىنىڭ باسشىسى.
2007 جىلى – قازاقستان رەسپۋبليكاسىنىڭ پارلامەنتى سەناتىنىڭ اپپاراتى باسشىسىنىڭ ورىنباسارى.
2007-2011 جىلدارى – قازاقستان رەسپۋبليكاسى پارلامەنتىنىڭ سەناتى اپپاراتىنىڭ باسشىسى.
2011 جىلى – قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى.
2011 جىلى – قازاقستان رەسپۋبليكاسىنىڭ سىرتقى ىستەر مينيسترلىگى ازيا جانە افريكا دەپارتامەنتىنىڭ ديرەكتورى.
2011-2014 جىلدارى – قازاقستان رەسپۋبليكاسىنىڭ جەنەۆاداعى (شۆەيتساريا كونفەدەراتسياسى) تۇراقتى وكىلدىگىندە كەڭەسشى-ۋاكىل.
2014-2016 جىلدارى – قازاقستان رەسپۋبليكاسىنىڭ پرەزيدەنتى اكىمشىلىگىنىڭ سىرتقى ساياسات ورتالىعى مەڭگەرۋشىسىنىڭ ورىنباسارى.
2016-2019 جىلدارى – قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ ەستونياداعى توتەنشە جانە وكىلەتتى ەلشىسى قىزمەتىن قوسا اتقارۋشى.
2019-2021 جىلدارى – قازاقستان رەسپۋبليكاسى پرەزيدەنتىنىڭ كومەكشىسى.
2021-2022 جىلدارى – قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى.
2022 جىلعى قاڭتار – قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ءبىرىنشى ورىنباسارى.
2022 جىلعى 1 اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتى اكىمشىلىگىنىڭ باسشىسى بولىپ تاعايىندالدى.
اعىلشىن جانە نەمىس تىلدەرىن مەڭگەرگەن.
ۇيلەنگەن، 4 بالاسى بار.
