تالدىقورعان قالاسىنداعى نازارباەۆ زياتكەرلىك مەكتەبىنىڭ 12-سىنىپ وقۋشىسى سانجار تۇرعانبەك وڭتۇستىك كورەياداعى KAIST-تە وقۋعا گرانت ۇتىپ الدى.
وقۋداعى جوعارى جەتىستىكتەرى، كوشباسشىلىق قاسيەتتەرى، ۇلكەن جۇمىس قابىلەتى سانجاردىڭ جوسپارىن جۇزەگە اسىرۋعا مۇمكىندىك بەردى. ويتكەنى، كورەيانىڭ ەڭ تانىمال ۋنيۆەرسيتەتتەرىنىڭ بىرىنە ءتۇسۋ كەزدەيسوقتىق ەمەس.
كورەيانىڭ وزىق تەحنولوگيالار ينستيتۋتى ءبىلىم بەرۋدىڭ جوعارى ستاندارتتارىمەن ايگىلى ەليتالىق زەرتتەۋ ۋنيۆەرسيتەتتەرى توبىنا كىرەدى.
سانجار ينفورماتيكا فاكۋلتەتىندە باكالاۆرياتتا وقۋدى جوسپارلاپ وتىر.
مەنى ارقاشان اقپاراتتىق تەحنولوگيانىڭ جۇمىسs قىزىقتىرادى. سەگىزىنشى سىنىپتان باستاپ ينفورماتيكادان وليمپيادالىق رەزەرۆتىڭ مۇشەسى بولىپ تابىلامىن. وسى كۇنگە دەيىن ءارتۇرلى كومپيۋتەرلىك باعدارلامالاردى وقىپ، زەرتتەپ كەلەمىن جانە KAIST ۋنيۆەرسيتەتى مەنىڭ قويعان ماقساتتارىما سايكەس. ول جەردە جاقسى زەرتتەۋ مۇمكىندىكتەرى، بولاشاقتا تاجىريبەدەن وتۋگە شانس بار»، - دەيدى بولاشاق ستۋدەنت.
سانجار – بولاشاق IT-مامان، بەدەلدى حالىقارالىق جاۋتىكوۆ وليمپياداسىنىڭ جۇلدەگەرى، ينفورماتيكادان بىرقاتار رەسپۋبليكالىق وليمپيادالاردىڭ جەڭىمپازى، ماسساچۋسەتس تەحنولوگيالىق ينستيتۋتىنىڭ جازعى مەكتەبىنىڭ قاتىسۋشىسى. اتاقتى MIT ينستيتۋتىنىڭ زەرتحاناسىندا سانجار InferenceQL پروگراممالاۋ ءتىلىن زەرتتەدى.
مۇمكىن ەمەس ەشتەڭە جوق، ۇلكەن ارمان مەن ماقساتتىڭ ارقاسىندا اۋقىمدى جوبالاردى جۇزەگە اسىرۋعا بولادى. ءبارى ويداعىداي بولادى دەپ ۇمىتتەنەمىن»، — دەپ سۇحباتىن تالدىقورعان قالاسىنداعى NIS 12-سىنىپ وقۋشىسى، KAIST گرانتىنىڭ يەگەرى سانجار تۇرعانبەك تۇيىندەدى.
