كليماتى مەن گەوگرافيالىق ورنالاسۋى قولايلى بولىپ تابىلاتىن ءۇشىنشى مەگاپوليستە بيىل 12 جاڭا تۋريستىك نىسان اشىلادى. بۇل الەۋەتى جوعارى شىمكەنت قالاسىنىڭ ايماقتاعى ءىرى تۋريستىك ورتالىقتاردىڭ ءبىرى رەتىندە قالىپتاسۋىنا سەپتىگىن تيگىزىپ، كەڭ مۇمكىندىكتەرگە جول اشادى.
تۋريزم سالاسىنداعى بۇل ينۆەستيتسيالىق جوبالار - «Diamond Hotel»، «Barsa»، «تاۋكەحان Plaza»، «Cosmopolitan Hotel»، «7Jol» سياقتى جايلى قوناق ۇيلەر مەن دەمالىس كەشەندەرى بوي كوتەرىپ، ىسكە قوسىلادى. جوبالاردى جۇزەگە اسىرۋ قۇنى 9 ملرد تەڭگەنى قۇرايدى. 400-دەن استام جاڭا جۇمىس ورنى اشىلادى.
وتكەن جىلى قالامىزدا «پانا»، «دورا»، «Grand Villa Hotel»، «Wind hotel»، «Big rooms»، «Graf» قوناق ۇيلەرى سىندى 6 جوبا جۇزەگە اسىرىلىپ، 145 ادام جۇمىسپەن قامتىلعان بولاتىن.
بۇل جۇمىستار قالامىزداعى ورتا جانە شاعىن بيزنەستىڭ وركەندەۋىنە وڭ اسەر ەتىپ، تۇراقتى تابىس كوزى مەن جۇمىس ورىندارىن اشۋعا مۇمكىندىك بەرەدى.
