سولتۇستىك قازاقستان وبلىسىندا جەرگىلىكتى ءوزىن-ءوزى باسقارۋ ورگانىن قۇرۋ ماسەلەسى بويىنشا جۇمىسشىلار جينالىسى ءوتتى، دەپ حابارلايدى "ادىرنا" پورتالى.
- ءبىز، ەرلەر مەن ايەلدەر، ەڭبەك ەتۋشى، ازات جانە ەركىن حالىق، ءوزىمىزدىڭ ءوزىن-ءوزى باسقارۋىمىز بەن سامودەرجاۆيەمىزدى، تاۋەلسىزدىگىمىزدى جانە ەگەمەندىگىمىزدى كورسەتە وتىرىپ، جالپىعا بىردەي، بولىنبەيتىن ۇلتتىق مۇرانى ساقتاۋدىڭ، ازاماتتىق، مۇلىكتىك قۇقىقتاردىڭ وزگەرمەيتىندىگىن جاريالايمىز. تۋعان ولكەمىزدە ەگەمەندى قازاق كسر-ءنىڭ مىزعىماس، اۋماقتىق تۇتاستىعى مەن سولتۇستىك قازاقستان وبلىسى پەتروپاۆل قالاسىنىڭ حالىقتىق ەڭبەكشىلەر كەڭەسىن جاڭعىرتىپ جاتىرمىز، دەيدى بەينەجازباداعى ازاماتتار.
دەپۋتاتتاردى سايلاۋ كۇنى وتكەن ءوزارا جيىنعا 19 ادام قاتىستى. ولار وزدەرىنە توراعا مەن حاتشى سايلادى، حالىق كەڭەسىنىڭ دەكلاراتسياسىن، جارعى جوباسىن، رامىزدەرىن قابىلدادى، ءمور جانە قاتىسۋشى كۋالىگىنىڭ جوباسىن بەكىتتى.
پەتروپاۆلدا قۇرىلعان ۇجىمدىق ءوزىن-ءوزى باسقارۋ ورگانى وزىندىك جۇيە بويىنشا تولىعىمەن كسرو ستسەناريىنە سىلتەمە جاسايدى. قابىلدانعان دەكلاراتسيادا قاتىسۋشىلار قازاقستاندى «شەتەلدىك كومپانيالارعا قۇقىقتاردى بەرە وتىرىپ، ورتاق جانە بولىنبەيتىن حالىق مۇلكىن سەنىممەن تارتىپ الۋدىڭ» ناتيجەسىندە قالىپتاسقان، زاڭسىز جاريالانعان مەملەكەت دەپ سانايتىنى ايتىلعان. سونداي-اق، جۇمىسشىلار ءوز قۇجاتىندا ءبىلىم بەرۋ جۇيەسىنە، قولدا بار ازىق-تۇلىككە، ءدارى-دارمەك پەن ۆاكتسيناعا قارسى شىقتى.
– كەڭەستىك ءبىلىم بەرۋدىڭ تابىستى جۇيەسى دەسترۋكتيۆتى وقۋلىقتارمەن شەتەل ستاندارتتارى بويىنشا سۋرروگاتپەن الماستىرىلدى، ال جوعارى، تەحنيكالىق جانە كاسىپتىك ءبىلىم قارجىلىق پايدا تابۋ قۇرالىنا اينالدى. ازىق-تۇلىك ونىمدەرى كەڭەستىك گوست-قا سايكەس كەلمەيدى، كاسسالاردا ادامداردىڭ ءومىرى مەن دەنساۋلىعىنا قاۋىپ توندىرەتىن تاۋارلار تولىپ جاتىر. تەگىن مەديتسينا بيزنەس سالاسىنا اينالعان سوڭ، حالىق بالالار مەن ەرەسەكتەردى «ەمدەۋ» ءۇشىن قاراجات جينايدى، دەپ جازدى دەكلاراتسيادا حالىق كەڭەسىن ۇيىمداستىرۋشىلار.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
