استانادا «Qnet» قارجى پيراميداسىن قۇرعان كۇدىكتى ۇستالدى. بۇل تۋرالى قارجىلىق مونيتورينگ اگەنتتىگىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
كۇدىكتى جەكە تۇلعالاردان تارتىلعان قاراجاتتى كاسىپكەرلىك قىزمەتكە پايدالانباي، Qnet قارجى پيراميداسىنىڭ قىزمەتىن ۇيىمداستىرعان. سحەما بويىنشا ەسكى سالىمشىلاردى جاڭا كەلگەندەردىڭ جارنالارى ەسەبىنەن قايتا ءبولۋ جانە بايىتۋ ارقىلى جۇزەگە اسىرىلدى.
«سالىمشىلاردان تۇسكەن سوما 463 ملن تەڭگەنى قۇراعان. كومپانيا استانا مەن اقمولا وبلىسىنىڭ اۋماعىندا 2020 جىلدان باستاپ قازىرگى ۋاقىتقا دەيىن جۇمىس ىستەگەن.
استانا قالاسىنىڭ مامانداندىرىلعان تەرگەۋ سوتى كۇدىكتىگە 2 ايعا «قاماۋدا ۇستاۋ» شاراسىنا سانكتسيا بەردى. قر قپك-ءنىڭ 201-بابىنا سايكەس وزگە دە اقپارات جاريا ەتۋگە جاتپايدى»،—دەلىنگەن حابارلامادا.
