جاپون ازاماتى، قازاقتىڭ ءداستۇرلى ونەرىنىڭ زەرتتەۋشىسى تاكاحاششي ناوكي قازاق حالقىن ناۋرىز مەرەكەسىمەن قۇتتىقتاپ، دومبىرامەن ايرىقشا ناقىشتا ءان شىرقادى، دەپ حابارلايدى "ادىرنا" ۇلتتىق پورتالى.
قازاقستاننىڭ جاپونياداعى ەلشىلىگى ناۋرىز مەرەكەسىن ەرەكشە اتاپ ءوتتى. ۇلتتىق ونەر مەن ۇلتتىق ءاننىڭ سالتاناتى جاراسقان كوڭىلدى كەشتە ەڭبەك سىڭىرگەن قايراتكەرى نۇرجان جانپەيىستىڭ جاپوندىق شاكىرتى، قازاقتىڭ ءداستۇرلى ونەرىنىڭ زەرتتەۋشىسى تاكاحاششي ناوكي ءان شىرقاپ، كوپشىلىك قاۋىمنىڭ ىقىاسىنا بولەندى.
- قازاقستاننىڭ جاپونياداعى ەلشىلىگى بارشاڭىزدى ناۋرىز مەرەكەسىمەن شىن جۇرەكتەن قۇتتىقتايدى جانە ەلشىلىك وتكىزگەن ءىس-شارادا ەلىمىزدىڭ ەڭبەك سىڭىرگەن قايراتكەرى نۇرجان جانپەيىستىڭ جالعىز جاپوندىق شاكىرتى، قازاقتىڭ ءداستۇرلى ونەرىنىڭ زەرتتەۋشىسى تاكاحاششي ناوكيدىڭ ورىنداۋىنداعى باكىر تاجىباەۆتىڭ «اقبۇلاق» ءانىن مەرەكەلىك تارتۋ رەتىندە تاماشالاۋعا شاقىرادى، - دەپ جازىلعان ەلشىلىك پاراقشاسىندا.
"ادىرنا" ۇلتتىق پورتالى
