Japon azamaty, qazaqtyń dástúrli óneriniń zertteýshisi Takahaı Naokı qazaq halqyn Naýryz merekesimen quttyqtap, dombyramen aıryqsha naqyshta án shyrqady, dep habarlaıdy "Adyrna" ulttyq portaly.
Qazaqstannyń Japonııadaǵy Elshiligi Naýryz merekesin erekshe atap ótti. Ulttyq óner men ulttyq ánniń saltanaty jarasqan kóńildi keshte Eńbek sińirgen qaıratkeri Nurjan Janpeıistiń japondyq shákirti, qazaqtyń dástúrli óneriniń zertteýshisi Takahaı Naokı án shyrqap, kópshilik qaýymnyń yqyasyna bólendi.
- Qazaqstannyń Japonııadaǵy Elshiligi barshańyzdy Naýryz merekesimen shyn júrekten quttyqtaıdy jáne Elshilik ótkizgen is-sharada elimizdiń Eńbek sińirgen qaıratkeri Nurjan Janpeıistiń jalǵyz japondyq shákirti, qazaqtyń dástúrli óneriniń zertteýshisi Takahaı Naokıdiń oryndaýyndaǵy Bákir Tájibaevtiń «Aqbulaq» ánin merekelik tartý retinde tamashalaýǵa shaqyrady, - dep jazylǵan elshilik paraqshasynda.
"Adyrna" ulttyq portaly
