الماتىدا ەكسترەميزمگە قارسى ءىس-قيمىل بولىمشەسىنىڭ قىزمەتكەرلەرى جۇرگەنوۆ اتىنداعى ونەر اكادەمياسى كوللەدجىنىڭ كامەلەتكە تولماعان ستۋدەنتىن انىقتاپ ۇستادى، دەپ حابارلايدى "ادىرنا" ۇلتتىق پورتالى.
“تەرروريزم اكتىسى تۋرالى كورىنەۋ جالعان حابارلاۋ” سياقتى قىلمىستىق ارەكەت – قوعامدىق تارتىپكە قول سۇعاتىن اسا قاۋىپتى قىلمىستاردىڭ ءبىرى. بۇل قىلمىستىڭ قاۋىپتىلىگى مىنادا: ازاماتتار اراسىندا دۇربەلەڭ مەن قورقىنىش پايدا بولادى، مەكەمەلەردىڭ، ۇيىمداردىڭ، كاسىپورىنداردىڭ، كوممەرتسيالىق قۇرىلىمداردىڭ قىزمەتى توقتاتىلادى. مۇنداي حابارلاما تۇسكەندە شۇعىل قىزمەتتەر وقيعا ورنىنا جەتىپ، ازاماتتاردى ەۆاكۋاتسيالاپ، جارىلعىش قۇرىلعىلاردى ىزدەيدى. بارلىق جاعدايدا اقپارات راستالمايدى دەۋگە بولادى.الماتىدا ەكسترەميزمگە قارسى ءىس-قيمىل بولىمشەسىنىڭ قىزمەتكەرلەرىمەن جۇرگەنوۆ اتىنداعى ونەر اكادەمياسى كوللەدجىنىڭ كامەلەتكە تولماعان ستۋدەنتى انىقتالىپ، ۇستالدى. ول وقۋ ورنىندا جارىلعىش قۇرىلعى جاسىرىلعانى تۋرالى بىرنەشە رەت جالعان حابارلاما جاسادى دەپ كۇدىكتەلۋدە. انىقتالعانداي، ول 27, 28 اقپاندا جانە 2 ناۋرىزدا تاڭعى ۋاقىتتا كوللەدجدىڭ قىزمەتتىك ەلەكتروندىق پوشتاسىنا ەلەكتروندىق مەكەنجايىن اۋىستىرۋ باعدارلاماسىن قولدانا وتىرىپ، ءتورت رەت حابارلاما جىبەرگەن. ۇستالعاننان كەيىن جانە الىنعان دالەلدەمەلەردى ۇسىنعاننان كەيىن ول وقۋدا ۇلگەرمەۋىنە بايلانىستى وقۋ پروتسەسىن توقتاتۋ ءۇشىن وسى قىلمىستاردى جاساعانىن مويىندادى. بۇل فاكت قازاقستان رەسپۋبليكاسى قىلمىستىق كودەكسىنىڭ 273-بابى بويىنشا تىركەلدى. ءىىم تەرروريزم اكتىسى تۋرالى كورىنەۋ جالعان حابارلاعانى ءۇشىن بەس جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعانىن ەسكەرتەدى. بۇگىنگى تاڭدا قۇقىق قورعاۋ ورگاندارىندا مۇنداي قىلمىستارمەن كۇرەسۋ ءۇشىن بارلىق مۇمكىندىكتەر بار جانە زاماناۋي تەحنيكالىق قۇرالدار قولدانىلادى. مۇنداي قىلمىستاردىڭ باسىم كوپشىلىگى كەزەكشى تاۋلىكتە اشىلادى", – دەدى ءىىم ەكسترەميزمگە قارسى ءىس-قيمىل دەپارتامەنتى باستىعىنىڭ ورىنباسارى دارحان رازۋەۆ.
جالعان حابارلاماعا قاتىستى قىلمىس ءۇشىن 14 جاستان باستاپ قىلمىستىق جاۋاپكەرشىلىك كوزدەلگەن.
سونىمەن قاتار سوت شەشىمى نەگىزىندە شىعىندار مەن وسىنداي حابارلامادان كەلتىرىلگەن بارلىق زالال وتەلۋى ءتيىس. ەگەر مۇنداي ارەكەتتەردى كامەلەتكە تولماعاندار جاساعان جاعدايدا زالالدى وتەۋ ولاردىڭ اتا-انالارىنا نەمەسە زاڭدى وكىلدەرىنە جۇكتەلەدى.
بارلىق كۇشتەردىڭ ءبىر شىعۋىنىڭ وزىنە 200-دەن 300 مىڭ تەڭگەگە دەيىن جۇمسالادى، ال كاسىپورىندار مەن ساۋدا وبەكتىلەرىنىڭ توقتاپ قالۋىنان كەلتىرىلگەن زالال ميلليونداعان تەڭگەمەن ەسەپتەلۋى مۇمكىن.
ماسەلەن، قىلمىستىق ىستەردى تەرگەۋ بارىسىندا مەملەكەتكە وسىنداي جالعان حابارلامالارمەن كەلتىرىلگەن ماتەريالدىق شىعىن جىل سايىن 500 مىڭنان 2 ملن تەڭگەگە دەيىن ەكەنى انىقتالدى. سونىمەن قاتار سوت شەشىمى نەگىزىندە شىعىندار مەن وسىنداي حابارلامادان كەلتىرىلگەن بارلىق زالال وتەلۋى ءتيىس. ەگەر مۇنداي ارەكەتتەردى كامەلەتكە تولماعاندار جاساعان جاعدايدا زالالدى وتەۋ ولاردىڭ اتا-انالارىنا نەمەسە زاڭدى وكىلدەرىنە جۇكتەلەدى.
بارلىق كۇشتەردىڭ ءبىر شىعۋىنىڭ وزىنە 200-دەن 300 مىڭ تەڭگەگە دەيىن جۇمسالادى، ال كاسىپورىندار مەن ساۋدا وبەكتىلەرىنىڭ توقتاپ قالۋىنان كەلتىرىلگەن زالال ميلليونداعان تەڭگەمەن ەسەپتەلۋى مۇمكىن.
ماسەلەن، قىلمىستىق ىستەردى تەرگەۋ بارىسىندا مەملەكەتكە وسىنداي جالعان حابارلامالارمەن كەلتىرىلگەن ماتەريالدىق شىعىن جىل سايىن 500 مىڭنان 2 ملن تەڭگەگە دەيىن ەكەنى انىقتالدى.
"ادىرنا" ۇلتتىق پورتالى
