كينونارىقتى جاۋلاعان "حارري پوتتەر" [قازاقى دىبىستالۋىنا ءتان جازىلىپ وتىر] مەن "جۇلدىزدى سوعىستاعى " باسى رولدەردىڭ بىرىندە ويناعان دارىن يەسى پول گرانت لوندوندا قايتىس بولدى، دەپ حابارلايدى "ادىرنا" ۇلتتىق پورتالى "The Sun" باسىلىمىنا سىلتەمە كورسەتە وتىرىپ.
اكتەر 56 جاسقا قاراعان شاعىندا قايتىس بولدى. بۇل تۋرالى ونىڭ تۋىستارى حابارلادى.
"گرانت 16 ناۋرىز كۇنى كەشكە لوندوننىڭ سولتۇستىگىندە ورنالاسقان كينگس كروسس تەمىرجول ۆوكزالىندا، ەس-ءتۇسسىز جاتقان جەرىنەن تابىلدى. دارىگەرلەر ونىڭ قايتىس بولعانىن بىردەن ايتقان جوق. ول 19 ناۋرىزدا عانا وتتەگى جەتكىزۋگى اپپاراتتان اجىراتىلدى", - دەدى اكتەردىڭ تۋىستارى the Sun باسىلىمىنا.
باسىلىم گرانتتىڭ قايتىس بولۋ جاعدايلارى تۋرالى حابارلانباعانىن ايتتى. "بۇرىن اكتەر الكوگول مەن ەسىرتكىگە تاۋەلدىلىكپەن كۇرەسكەنى بەلگىلى ەدى", — دەپ قوستادى "The Sun" باسىلىمى.
"ادىرنا" ۇلتتىق پورتالى
