Aqtöbe oblysy, Qobda audany, Baitaq jäne Jaryq auyldary su tasqyny saldarynan jaryqsyz otyr. Auylda älı elektr şamy janǧan joq. Sondai-aq su astynda qalǧan bırqatar üiler bar, dep habarlaidy "Adyrna" ūlttyq portaly QazAqparat-qa sılteme körsete otyryp.
Aqtöbe oblysy Qobda audanynda tötenşe jaǧdai jariialanyp, qazırgı kezde şyǧyndar eseptılıp jatyr.
Jaǧdaimen tanysyp, tūrǧyndarmen kezdesken QR TJM Iýrii İlin jan-jaqty kömek körsetıletınıne uäde berdı.
Soŋǧy mälımetterge süiensek, älı de 17 üi su astynda.
«Barlyǧy 3 üi qūlady. Älı künge deiın 17-ı su astynda tūr. Taǧy 4 üi ışınara qūlaǧan. Jalpy 79 üige, 22 üidıŋ aulaǧa su kırdı. Su ketpei, su soryn aiaqtamai naqty aqparat aitu qiyn. Būl üilerde 316 adam tūrady. Onyŋ 107-ı balalar. Mektep jasyndaǧy 64 bala «Künşuaq» lagerınde demalady», - dedı Qobda audany äkımınıŋ orynbasary Arman Qabylov.Qobda auylyndaǧy Bai taq jäne Jaryq auyldarynda jaryq joq. Baitaq auylynda 23, al Jaryq auylynda 82 üi bar.
«Bız qoldan kelgenşe jūmysty jedeldetuge küş salamyz. Bıraq su aǧysy qatty. Qazır jel de küşeiıp tūr. Jaryq auylyna jaryq beru üşın arnaiy brigada kündız-tünı jūmys ıstep jatyr. Būl jūmys erteŋ de jalǧasady. Baitaq auylyna jol joq. Qūlaǧyn baǧanalardy qaita tūrǧyzuǧa tehnika bara almaǧan soŋ dizeldı generator tauyp qoidyq. Jaryqta jaryq 19-nauryz künı saǧat 08:30-da söndı. Al Baitaqta elektr togy 13-nauryz künı üzıldı»,- dedı Qobda elektrmen jabdyqtau basşysy Jūmamūrat Jūbatqan.Eske salsaq, Qobda auylyna 24 üi salynady. Su tasqyny zardap şekken 75 otbasyna 500 myŋ teŋgeden berılgen.
"Adyrna" ūlttyq portaly
Ūqsas jaŋalyqtar
