قر پرەزيدەنتىنىڭ ءىس باسقارماسىنىڭ ۇجىمى ۇلىستىڭ ۇلى كۇنىندە قارتتارعا قۇرمەت كورسەتتى

2325
Adyrna.kz Telegram

«قارتى بار ەلدىڭ – قازىناسى بار» دەيدى دانا حالقىمىز. ۇلىستىڭ ۇلى كۇنى – ناۋرىز مەرەكەسىنە وراي، قر پرەزيدەنتىنىڭ ءىس باسقارماسى مەن ۆەدومستۆولىق باعىنىستى ۇيىمدارى ەلورداداعى «شاراپات» الەۋمەتتىك قىزمەت كورسەتۋ ورتالىعىندا قايىرىمدىلىق شاراسىن وتكىزدى.

يگى ءىس-شارا اياسىندا ءىس باسقارماسىنىڭ قىزمەتكەرلەرى قارتتار ۇيىندە تۇرىپ جاتقان ءۇش جۇزدەن استام اداممەن كەزدەسىپ، ناۋرىز مەرەكەسىمەن قۇتتىقتادى، ولاردىڭ تۇرمىس جاعدايىمەن تانىستى. كوڭىلىن كوتەرىپ، اڭگىمە دۇكەن-قۇردى.

– قادىرلى قاريالار، اعا-اپالار! سىزدەردى ناۋرىز مەيرامىمەن شىن جۇرەكتەن قۇتتىقتايمىز. ەلىمىزدىڭ دامۋىنا سىزدەردىڭ سىڭىرگەن ەڭبەكتەرىڭىز زور دەپ بىلەمىز، ونى جوعارى باعالايمىز. سىزدەرگە زور دەنساۋلىق، ۇزاق عۇمىر، اماندىق تىلەيمىز. ءاردايىم كوڭىلدەرىڭىز كوتەرىڭكى بولسىن! – دەدى قر ءپىب ۇيىمداستىرۋ-باقىلاۋ جانە كادر جۇمىسى ءبولىمى مەڭگەرۋشىسىنىڭ ورىنباسارى شولپان جۇماعۇلوۆا.

قر ءپىب مەديتسينالىق ورتالىعى باسشىسىنىڭ ورىنباسارى ليۋدميلا بيۋرابەكوۆا دا اعا بۋىن وكىلدەرىنە ۇجىمنىڭ مەرەكەلىك ىزگى تىلەگىن جەتكىزدى.

– كوكتەمنىڭ وسىناۋ اسەم دە شۋاقتى مەرەكەسى – ناۋرىز مەيرامىمەن سىزدەردى شىن جۇرەكتەن قۇتتىقتايمىن! بارشاڭىزعا مىقتى دەنساۋلىق، اماندىق پەن بار جاقسىلىقتى تىلەيمىن! – دەدى ليۋدميلا بيۋرابەكوۆا.

«شاراپات» ورتالىعىندا زەينەت جاسىنداعى جالعىز باستى قاريالاردان بولەك، ارنايى كۇتىمدى قاجەت ەتەتىن ءى، ءىى توپتاعى مۇگەدەك ازاماتتار تۇرادى. ولار مەملەكەتتىك كۇزەت قىزمەتى وركەسترى قويعان مەرەكەلىك كونتسەرتتى تاماشالاپ، قۋانا قول سوقتى.

وركەستر قۇرامىنداعى ايزات قارابەكوۆا، اسىلحان شالقاروۆ، ەركەبۇلان سəرسەنبەكوۆ، گۇلسىم مىرزابەكوۆا، باۋىرجان نۇرمۇحانوۆ سىندى حالىقارالىق جانە رەسپۋبليكالىق بايقاۋلاردىڭ جۇلدەگەرلەرى ءوز ونەرلەرىن ورتاعا سالدى. قاريالاردىڭ جاستىق شاعىنان سىر شەرتەتىن سىرلى اندەر ورىندالىپ، كۇمبىرلەگەن كۇي تارتىلدى.

ودان كەيىن ناۋرىز داستارحانى جايىلدى. ۇلىستىڭ ۇلى كۇنىندە قاريالارعا مول داستارحان ازىرلەپ، سىي-قۇرمەت كورسەتۋگە ءىس باسقارماسىنا قاراستى قر پرەزيدەنتىنىڭ اكىمشىلىگى مەن ۇكىمەتىنىڭ اكىمشىلىك عيماراتتارى ديرەكتسياسى، مەملەكەتتىك رەزيدەنتسيالار ديرەكتسياسى، مەديتسينالىق ورتالىق اۋرۋحاناسى جانە ماتەريالدىق-تەحنيكالىق قامتاماسىز ەتۋ باسقارماسىنىڭ اكىمشىلىك عيماراتتار ديرەكتسياسى اتسالىسقانىن ايتا كەتكەن ءجون.

وسى يگىلىكتى شاراعا ارناپ قر پرەزيدەنتى ءىس باسقارماسى قىزمەتكەرلەرى وزدەرىنىڭ جەكە قورىنان كىتاپ جيناپ اكەلگەن بولاتىن. كىتاپتار «شاراپات» ورتالىعىنىڭ كىتاپحاناسىنا تاپسىرىلدى. ورتالىقتا تۇراتىن ادامداردىڭ قاجەتىنە وراي، باسقا دا سىي-سياپاتتار جاسالدى.

پىكىرلەر