20 ناۋرىز الماتىدا «BAQYLA» قق ءباسپاسوز جيىنىن وتكىزەدى

1622
Adyrna.kz Telegram

پرەزيدەنت سايلاۋى قارساڭىندا قوعامدىق باستاما نەگىزىندە ەل ازاماتتارى قۇرعان «BAQYLA» قوعامدىق قوزعالىسى ەلىمىزدە 2023 جىلدىڭ 19 ناۋرىزى كۇنى وتكەن قر پارلامەنتى ءماجىلىسى مەن ماسليحاتتار سايلاۋىندا ەلىشىلىك تۇراقتىلىق پەن سايلاۋ پروتسەدۋرالارىنىڭ قاتاڭ ساقتالۋىن قامتاماسىز ەتۋ ءۇشىن سايلاۋ ۋچاسكەلەرىن قامتيتىن وڭىرلىك شتابتاردا باقىلاۋشىلىق جاسادى.

اۋماقتىق باقىلاۋشىلار جەلىسى جۇمىسى الماتى قالاسىنداعى ورتالىق شتاب پەن ەلىمىزدىڭ 17 قالاسىندا ورنالاسقان وڭىرلىك شتابتار ارقىلى جۇرگىزىلدى.

قوعامدىق قوزعالىس 2022 جىلعى كەزەكتەن تىس پرەزيدەنت سايلاۋىندا 27 قالادا داۋىس بەرۋ بارىسىن قاداعالاۋ جۇمىسىن ءساتتى اتقارعان بولاتىن.

ال بيىلعى قر پارلامەنتى ءماجىلىسى مەن ماسليحاتتار سايلاۋىندا «BAQYLA» قوعامدىق قوزعالىسى سايلاۋ پروتسەسىن باقىلاۋعا ارالاسىپ، رەسپۋبليكا بويىنشا 25 قالا مەن ەلدى-مەكەندى قامتي الدى. سونىمەن قاتار، 5 مىڭنان استام باقىلاۋشىنى وقىتتى.

سايلاۋ كۇنى ەلدەگى بارلىق سايلاۋ ۋچاسكەسىنىڭ 3 مىڭىن، ياعني 30 پايىزىن قامتي الدىق دەپ ايتا الامىز.

وسىعان بايلانىستى 2023 جىلدىڭ 20 ناۋرىزى كۇنى الماتى قالاسىندا «BAQYLA» قق باستاماشىلارى ارنايى ءباسپاسوز جيىنىن وتكىزەدى.

وتەتىن ورنى: قازاقستان ءباسپاسوز كلۋبى

مەكەن-جايى: مكر سامال 2, 58 ءۇي، بتس ءساتتى، نازارباەۆ كوشەسى جاقتان 1-پودەزد، 2 قابات.

ۋاقىتى: 20.03.2023 جىل. ساع. 10:00

سپيكەرلەر:

ماقسات جاقاۋ، ساياساتتانۋشى،

اسحات قاسەنعالي، ساياساتتانۋشى،

ەدۋارد پولەتاەۆ, ساياساتتانۋشى،

ءسابيت رىسپاەۆ، ساياساتكەر، بلوگەر،

اسەت بازارباي، الماتى قالالىق شتابىنىڭ جەتەكشىسى.

"ادىرنا" ۇلتتىق پورتالى

 

 

 

پىكىرلەر