مەملەكەتتىك كەڭەسشى ەرلان قارين سايلاۋدا ءوز تاڭداۋىن جاسادى، دەپ حابارلايدى “ادىرنا” ءتىلشىسى.
ەرلان قارين ەلورداداعى №111 سايلاۋ ۋچاسكەسىندە داۋىس بەردى. اتالعان سايلاۋ ۋچاسكەسىندە 2744 داۋىس بەرۋشى تىركەلگەن.
سونداي-اق، ول قازاقستاندا نەگە دەپۋتات بولعىسى كەلەتىندەر كوپ دەگەن سۇراققا جاۋاپ بەردى.
ايتۋىنشا، سايلاۋعا قاتىسۋشىلاردىڭ كوپ بولۋىنىڭ سەبەبى - مەملەكەت باسشىسىنىڭ رەفورمالارى قوعامدا ءوز باعاسىن العان.
“بۇل، ەڭ الدىمەن، رەفورمالاردىڭ قوعامدا ءۇن قوسىپ، قولداۋ تاپقانىنىڭ دالەلى. وسىنداي كوپ ادام ءبىر مانداتتى وكرۋگتەر بويىنشا سايلاۋعا ءتۇسىپ، ءتۇرلى ساياسي پارتيالاردىڭ سايلاۋالدى باعدارلامالارىنا قاتىسىپ جاتسا، بۇل مەملەكەت باسشىسىنىڭ رەفورمالارىنىڭ قوعامدا ۇلكەن قىزىعۋشىلىق پەن قولداۋ تۋدىرعانىن كورسەتەدى. رەفورمالار ءبىراز ءۇمىت بەرەدى. بۇل سايلاۋ جوسپارلانعان رەفورمالارعا تاعى ءبىر جاڭا سەرپىن بەرەدى دەپ ويلايمىن»، - دەپ ءتۇسىندىردى ەرلان قارين.
