Memlekettik keńesshi Erlan Qarın saılaýda óz tańdaýyn jasady, dep habarlaıdy “Adyrna” tilshisi.
Erlan Qarın elordadaǵy №111 saılaý ýchaskesinde daýys berdi. Atalǵan saılaý ýchaskesinde 2744 daýys berýshi tirkelgen.
Sondaı-aq, ol Qazaqstanda nege depýtat bolǵysy keletinder kóp degen suraqqa jaýap berdi.
Aıtýynsha, saılaýǵa qatysýshylardyń kóp bolýynyń sebebi - Memleket basshysynyń reformalary qoǵamda óz baǵasyn alǵan.
“Bul, eń aldymen, reformalardyń qoǵamda ún qosyp, qoldaý tapqanynyń dáleli. Osyndaı kóp adam bir mandatty okrýgter boıynsha saılaýǵa túsip, túrli saıası partııalardyń saılaýaldy baǵdarlamalaryna qatysyp jatsa, bul Memleket basshysynyń reformalarynyń qoǵamda úlken qyzyǵýshylyq pen qoldaý týdyrǵanyn kórsetedi. Reformalar biraz úmit beredi. Bul saılaý josparlanǵan reformalarǵa taǵy bir jańa serpin beredi dep oılaımyn», - dep túsindirdi Erlan Qarın.
