19 ناۋرىز كۇنى قازاقستاندا قر پارلامەنتى ءماجىلىسىنىڭ جانە بارلىق دەڭگەيدەگى ءماسليحاتتاردىڭ دەپۋتاتتارىن سايلاۋ وتەدى. ەلوردادا سايلاۋشىلارعا ىڭعايلى بولۋ ءۇشىن بۇل كۇنى قالالىق مارشرۋتتاردىڭ ءبارى تەگىن جۇرەتىن بولادى، دەپ حابارلايدى «ادىرنا» ءتىلشىسى استانا اكىمدىگىنىڭ رەسمي سايتىنا سىلتەمە جاساپ.
19 ناۋرىزدا اۆتوبۋستار تاڭعى 06:00-دەن تۇنگى 23:00-گە دەيىن شتاتتىق رەجيمدە جۇرەدى. جولاۋشىلار ءۇشىن جول ءجۇرۋ تەگىن بولادى. ال 20 ناۋرىزدان باستاپ، دۇيسەنبىدە قوعامدىق كولىك قولما-قول اقشاسىز تولەممەن شتاتتىق رەجيمدە جۇمىس ىستەيدى.
