«اۋىل» پارتياسىنىڭ سايلاۋالدى قورىتىندى ءىس-شاراسى قازاقى قايماعى بۇزىلماعان، ەڭكەيگەن قارتى مەن ەڭبەكتەگەن بالاسىنا دەيىن ديقانشىلىقپەن اينالىساتىن شىرايلى شىمكەنتتە، قازاق زاڭدارىنىڭ باستاۋى «جەتى جارعىعا» ءمور باسىلعان مارتوبەدە ءوتتى.
«اۋىل» پارتياسىنىڭ قازاقستان رەسپۋبليكاسى پارلامەنتى ماجىلىسىنە جانە بارلىق دەڭگەيدەگى جەرگىلىكتى ماسليحاتتارعا كانديداتتارىنىڭ ۇگىت-ناسيحات ناۋقانىن تالقىلاعان قورىتىندى وتىرىسى ءوتتى. جيىنعا پارتيا توراعاسى ءالي بەكتاەۆ، ءماجىلىس پەن ماسليحاتتارعا پارتيالىق ءتىزىم مەن ماجوريتارلىق جۇيە بويىنشا تۇسەتىن كانديداتتار، پارتيانىڭ وڭىرلىك فيليالدارىنىڭ، وڭىرلىك شتابتاردىڭ باسشىلارى مەن مۇشەلەرى، جەرگىلىكتى حالىق قاتىستى.
«بۇگىن بارشامىز قازاق مەملەكەتتىگىنىڭ تاريحىندا اسا ماڭىزدى ءرول ويناعان قاسيەتتى ورىن – مارتوبەدە جينالىپ وتىرمىز. بۇل توبە – قازاق حاندىعى تاريحىندا دالا پارلامەنتىنىڭ مىندەتىن اتقارىپ كەلگەن قوس توبەنىڭ ءبىرى. ەلىمىزدىڭ باستىسى مەن شىعىسىنان، وڭتۇستىگى مەن سولتۇستىگىنەن جينالعان بالالارىمىز ماڭىزدى ماسەلەلەردى وسىندا تالقىلاعان. وسى جەردە جەتى جارعى قابىلدانعان. ەلدىڭ اراسىنداعى ىنتىماقتى، ءتارتىپتى، اۋىزبىرلىكتى ساقتايتىن زاڭدار وسىندا قابىلدانعان. مەملەكەتتىڭ ناعىز كورىنىسى دالا پارلامەنتى بولعان. «اۋىل» پارتياسى – قازاقتىڭ سالت-داستۇرلەرىن بەرىك ساقتايتىن، اتا-بابالارىمىزدىڭ جولىمەن كەلە جاتقان پارتيا. اتا-بابالارىمىزدىڭ رۋحى ريزا بولىپ، ءبىزدى قولداسىن», – دەدى پارتيا توراعاسى ءالي بەكتاەۆ.
توراعا پارتيا مەملەكەت باسشىسىنىڭ اۋىلدىق جەرلەردى دامىتۋ بويىنشا بەرگەن تاپسىرمالارىن ورىنداۋعا، قولداۋ بىلدىرۋگە دايىن ەكەنىن جەتكىزدى.
«اۋىل» تورگە شىقسىن دەۋىمىزدىڭ دە ءمانى زور. اۋىل قالانى، مەملەكەتتى اسىراپ وتىر. ەندى اۋىلدىڭ ينفراقۇرىلىمىن دامىتاتىن كەز كەلدى. پرەزيدەنت قاسىم-جومارت كەمەلۇلى توقاەۆ سايلانعاندا ەڭ ءبىرىنشى اۋىلدىق جەرلەردى دامىتۋ جونىندە جارلىققا قول قويۋى بەكەر ەمەس. الداعى 5 جىلدا اۋىلعا كوڭىل بولىنەدى. «اۋىل» پارتياسىنىڭ مەملەكەت باسشىسىنىڭ اۋىلعا دەگەن شىن نيەتىن، تىلەگىن ورىنداۋشى ۇلكەن ساياسي كۇش بولاتىن مۇمكىندىگى بار. اۋىلدى دامىتۋ تەك ءبىر پارتيانىڭ، ءبىر ادامنىڭ قولىنان كەلمەيدى، بۇكىل ەل بولىپ اتسالىسۋىمىز كەرەك. اۋىلدا كاسىپورىندار اشۋ كەرەك، مەكتەپ سالۋ كەرەك، بالالارىن مىقتى ۋنيۆەرسيتەتتەردە وقىتۋعا كومەكتەسۋ كەرەك. اۋىلدان اقىن دا، باتىر دا، ابىز دا شىعادى، ول قاسيەتى مول جەر», – دەدى ءالي بەكتاەۆ.
سونداي-اق، پارتيا توراعاسى جيىنعا قاتىسۋشىلارعا ءبىر ايدىڭ ىشىندە سايلاۋالدى ۇگىت-ناسيحات جۇمىستارى قالاي جۇرگىزىلگەنى تۋرالى مالىمەت بەردى.
«بيىل ءبىز سايلاۋعا 500-گە جۋىق كانديدات ۇسىندىق. 25 كانديداتتى ماسليحاتتارعا، 25 ادامدى پارتيا تىزىمىنەن ماجىلىسكە، 7 ادامدى ءبىرمانداتتى وكرۋگتەرگە ۇسىندىق. ەلگە قىزمەت ەتەتىن ازاماتتاردى العا شىعارىپ وتىرمىز. «اۋىل» پارتياسى ءبىر ايدىڭ ىشىندە 6 مىڭنان استام شارا وتكىزدىك، وعان 800 مىڭنان استام ادام قاتىستى. «اۋىل» – ەلىمىزدىڭ ەڭ شالعاي اۋىلدارىنا جەتكەن جالعىز پارتيا. قازاقستان بويىنشا 1200 باستاۋىش پارتيا بار، 300 مىڭنان استام مۇشەمىز بار، 20 وبلىستا فيليالدارىمىز بار. ياعني «اۋىل» پارتياسى – قولىنان ءىس كەلەتىن، جاۋاپكەرشىلىك الا الاتىن، ەلدىڭ ماسەلەسىن شەشە الاتىن پارتيا», – دەدى ول قورىتىندى سوزىندە.
تاپسىرىس بەرۋشى: "اۋىل" حدپپ;
"اۋىل" حدپپ سايلاۋ قورى قاراجاتى ەسەبىنەن تولەندى.
