«Aýyl» partııasynyń saılaýaldy qorytyndy is-sharasy qazaqy qaımaǵy buzylmaǵan, eńkeıgen qarty men eńbektegen balasyna deıin dıqanshylyqpen aınalysatyn shyraıly Shymkentte, qazaq zańdarynyń bastaýy «Jeti Jarǵyǵa» mór basylǵan Mártóbede ótti.
«Aýyl» partııasynyń Qazaqstan Respýblıkasy Parlamenti Májilisine jáne barlyq deńgeıdegi jergilikti máslıhattarǵa kandıdattarynyń úgit-nasıhat naýqanyn talqylaǵan qorytyndy otyrysy ótti. Jıynǵa partııa tóraǵasy Álı Bektaev, Májilis pen máslıhattarǵa partııalyq tizim men majorıtarlyq júıe boıynsha túsetin kandıdattar, partııanyń óńirlik fılıaldarynyń, óńirlik shtabtardyń basshylary men músheleri, jergilikti halyq qatysty.
«Búgin barshamyz Qazaq memlekettiginiń tarıhynda asa mańyzdy ról oınaǵan qasıetti oryn – Mártóbede jınalyp otyrmyz. Bul tóbe – Qazaq handyǵy tarıhynda Dala Parlamentiniń mindetin atqaryp kelgen qos tóbeniń biri. Elimizdiń bastysy men shyǵysynan, ońtústigi men soltústiginen jınalǵan balalarymyz mańyzdy máselelerdi osynda talqylaǵan. Osy jerde Jeti Jarǵy qabyldanǵan. Eldiń arasyndaǵy yntymaqty, tártipti, aýyzbirlikti saqtaıtyn zańdar osynda qabyldanǵan. Memlekettiń naǵyz kórinisi Dala Parlamenti bolǵan. «Aýyl» partııasy – qazaqtyń salt-dástúrlerin berik saqtaıtyn, ata-babalarymyzdyń jolymen kele jatqan partııa. Ata-babalarymyzdyń rýhy rıza bolyp, bizdi qoldasyn», – dedi partııa tóraǵasy Álı Bektaev.
Tóraǵa partııa Memleket basshysynyń aýyldyq jerlerdi damytý boıynsha bergen tapsyrmalaryn oryndaýǵa, qoldaý bildirýge daıyn ekenin jetkizdi.
«Aýyl» tórge shyqsyn deýimizdiń de máni zor. Aýyl qalany, memleketti asyrap otyr. Endi aýyldyń ınfraqurylymyn damytatyn kez keldi. Prezıdent Qasym-Jomart Kemeluly Toqaev saılanǵanda eń birinshi aýyldyq jerlerdi damytý jóninde Jarlyqqa qol qoıýy beker emes. Aldaǵy 5 jylda aýylǵa kóńil bólinedi. «Aýyl» partııasynyń Memleket basshysynyń aýylǵa degen shyn nıetin, tilegin oryndaýshy úlken saıası kúsh bolatyn múmkindigi bar. Aýyldy damytý tek bir partııanyń, bir adamnyń qolynan kelmeıdi, búkil el bolyp atsalysýymyz kerek. Aýylda kásiporyndar ashý kerek, mektep salý kerek, balalaryn myqty ýnıversıtetterde oqytýǵa kómektesý kerek. Aýyldan aqyn da, batyr da, abyz da shyǵady, ol qasıeti mol jer», – dedi Álı Bektaev.
Sondaı-aq, partııa tóraǵasy jıynǵa qatysýshylarǵa bir aıdyń ishinde saılaýaldy úgit-nasıhat jumystary qalaı júrgizilgeni týraly málimet berdi.
«Bıyl biz saılaýǵa 500-ge jýyq kandıdat usyndyq. 25 kandıdatty máslıhattarǵa, 25 adamdy partııa tiziminen Májiliske, 7 adamdy birmandatty okrýgterge usyndyq. Elge qyzmet etetin azamattardy alǵa shyǵaryp otyrmyz. «Aýyl» partııasy bir aıdyń ishinde 6 myńnan astam shara ótkizdik, oǵan 800 myńnan astam adam qatysty. «Aýyl» – elimizdiń eń shalǵaı aýyldaryna jetken jalǵyz partııa. Qazaqstan boıynsha 1200 bastaýysh partııa bar, 300 myńnan astam múshemiz bar, 20 oblysta fılıaldarymyz bar. Iaǵnı «Aýyl» partııasy – qolynan is keletin, jaýapkershilik ala alatyn, eldiń máselesin sheshe alatyn partııa», – dedi ol qorytyndy sózinde.
Tapsyrys berýshi: "Aýyl" HDPP;
"Aýyl" HDPP saılaý qory qarajaty esebinen tólendi.
