"شاۆكات راحمونوۆ سپورتتى قولداۋ قورىنان قارجىلاندىرىلادى". بۇل تۋرالى قر مادەنيەت جانە سپورت ءمينيسترى اسحات ورالوۆ ءوزىنىڭ facebook پاراقشاسىندا حابارلادى، دەپ جازادى "ادىرنا" ۇلتتىق پورتالى.
"بۇگىن قازاقستان سپورتىنىڭ جارقىن جۇلدىزدارىنىڭ ءبىرى-شاۆكات راحمونوۆپەن جەكە كەزدەستىم. ءبىزدىڭ جاۋجۇرەك سپورتشىمىز بىرىنەن سوڭ ءبىرى جەڭىسكە جەتىپ، UFC-ءدى باتىل قادامدارىمەن باعىندىرىپ، وتانداستارىنىڭ جۇرەگىنە ماقتانىش سەزىمىن سىيلاپ كەلەدى. مەن شاۆكاتتى جاقىندا امەريكاندىق دجەفف نيلمەن بولعان جەكپە-جەكتە جەڭىسىمەن تاعى دا قۇتتىقتادىم جانە وعان العىس حات تابىستادىم. سونداي-اق، ول كەلەسى جەكپە-جەكتەرگە دايىندالۋ ءۇشىن سپورتتى قولداۋ قورىنان قارجىلاندىرىلادى. شاۆكات بۇكىل الەمگە قازاقستاندى پاش ەتتى جانە وسى قادامى ءۇشىن ءبىز وعان ايرىقشا العىسىمىزدى جەتكىزەمىز. ونىڭ UFC چەمپيوندىق بەلبەۋىن جەڭىپ الۋىنا تىلەكتەسپىن، تولاعاي تابىس تىلەيمىن",- دەپ جازدى مينيستر.
"ادىرنا" ۇلتتىق پورتالى
