جەرگىلىكتى حالىقپەن كءۇن سايىنعى كەزدەسۋدە ناقتى باعدارلاماسىن ۇسىنىپ، ءار ماسەلەگە قاتىستى ۇستانىمى مەن وزىندىك شەشىمىن اشىق ايتىپ جۇرگەن كانديدات قازىبەك مايگەلدينوۆتىڭ ويماقتاي ويلارى سايلاۋشى قاۋىمعا وي سالماي قويمايدى. ول - ۇلىتاۋ وبلىسىنان ءماجىلىس دەپۋتاتتىعىنا ۇمىتكەر ازامات.
حالىقپەن تىكەلەي بايلانىسىپ، ەلگە قىزمەت ەتۋ جولىندا ءوز ۇستانىمىن تىڭ ادىستەرمەن تانىتقان ۇمىتكەر بۇگىننىڭ وزىندە ۇلىتاۋ وبلىسى بويىنشا 3 قالا، 2 اۋدان، 9 اۋىلدىڭ تۇرعىندارىمەن جۇزدەسىپ ۇلگەردى. 2500 مىڭ شاقىرىم جول ءجۇرىپ، ەل ءىشىن ەتەنە ارالادى، حالىقتىڭ شاعىم-تالابىن تىڭدادى.
كانديدات ەل ارالاپ، حالىقپەن كەزدەسۋ بارىسىندا بىرقاتار قوردالانىپ قالعان ماسەلەلەرگە نازار اۋدارادى. اسىرەسە، وسكەلەڭ ۇرپاقتىڭ الاڭسىز ءبىلىم الۋى ءۇشىن ەرەكشە جاعداي جاسالۋى قاجەت ەكەندىگىن العا تارتادى. ماسەلەن، ۇمىتكەر ءوزىنىڭ كەزەكتى جازباسىندا:
- العاشقى كەزدەسۋ №9 ورتا مەكتەبىنىڭ ۇجىمىمەن ءوتتى. بەكبولاتساي (بۇرىنعى رىباچي) شاعىن اۋدانىندا ورنالاسقان مەكتەپتە ينتەرنەت تا بار. بۇل جەرگە قالا ماڭىنداعى مەكتەبى جوق قورعانباي سياقتى اۋىلداردىڭ بالالارى دا كەلىپ وقيدى.بىرنەشە مەكتەپتەن كورگەنىم، ماتەريالدىق-تەحنيكالىق جابدىقتاۋى سول 23 جىل بىتىرگەن كەزدەگى كۇيدە. كوسمەتيكالىق جوندەۋ عانا جۇرگىزىلگەن.مۇعالىمدەر تاراپىنان ەكولوگيالىق تولەمدەر تۋرالى، الەۋمەتتىك قامسىزداندىرۋ، قالا ينفراقۇرىلىمىن جاقسارتۋ حاقىندا سۇراقتار قويىلدى، - دەپ، ءبىلىم سالاسى مەن ەكولوگيالىق مادەنيەتتىڭ قوعامدىق ماڭىزىنا قاتىستى تەرەڭ وي تاستايدى.
نەگىزىنەن العاندا، قازىبەك مايگەلدينوۆ پارتيالىق تىزىممەن ەمەس، جەكە ءبىر مانداتتى وكرۋگ ارقىلى ماجوريتارلىق جۇيەمەن دەپۋتاتتىق سايلاۋعا تۇسۋگە شەشىم قابىلداعان ۇمىتكەر. ماماندىعى - تاريحشى. سونىمەن قاتار، ارحەولوگيا، زاڭ، ساياساتتانۋ عىلىمىن مەڭگەرگەن. سوڭعى 10 جىل بويى ساياساتتانۋشى، قوعام بەلسەندىسى رەتىندە بەلسەندى تۇردە قىزمەت ەتىپ كەلەدى. ونىڭ ايقىن دالەلى - “قازاقستاندىق قوعامدىق دامۋ ينستيتۋتى” باسشىسى رەتىندە ەلىمىزدەگى قوعامدىق كەڭەستەر جۇمىسى بويىنشا ۇلتتىق بايانداما دايىنداۋى، ەلىمىزدەگى ساياسي رەفورمالاردى جۇزەگە اسىرۋ بويىنشا ارنايى ءادىسنامالار، ساراپتامالىق باياندامالاردى جازۋعا قاتىسۋى (قازىرگى پراكتيكالىق تۇرىندەگى قوعامدىق-ساياسي وزگەرىستەردىڭ تۇجىرىمدامالارى).
- مەنىڭ ۇستانىمىم - قانداي دا ءىس جاسالماسىن، باستى مۇددە ەلىمىزدىڭ دامۋى، حالقىمىزدىڭ جوعارى ءال-اۋقاتى. 2022 جىلعا دەيىن بيلىكتەگى مونوپوليا، ەكونوميكاداعى وليگوپوليا كەرى اسەرىن بەرىپ، “قارالى قاڭتارعا” دۋشار بولدىق. وسى كۇنگە دەيىن جالاڭ ۇران تاستاعان ەمەسپىن. اقتى اق، قارانى قارا دەۋمەن كەلدىم. ءيا، راس، قاي الاڭدا بولسىن وبەكتيۆتى ماسەلەلەر دە كوتەردىم، ەستيتىن قۇلاق بولسا ارينە.
توق ەتەرى، حالىق قالاۋلىسى ياكي دەپۋتات ءماجىلىس مىنبەرىنەن حالىقتى مازالاپ وتىرعان تۇيىتكىلدى ماسەلەنى كوتەرمەسە، حالىقتىڭ جانىنا باتىپ وتىرعان قيسىق ارەكەتتەر مەن ىستەرگە بيلىكتىڭ نازارىن اۋدارتپاسا، دەپۋتاتتىق ساۋال قويىپ سول ماسەلەلەردى شەشۋگە اتسالىسپاسا، “جابۋلى قازاندى جابۋلى” قالدىرىپ، بار “اۋرۋىن جاسىرىپ” ءۇنسىز، كەرەڭ بولىپ كرەسلودا وتىرسا - ودان نە پايدا؟! - دەيدى ۇمىتكەر ءوز ماقساتى جايىندا.
- سايلاۋعا ءتۇسىپ، دەپۋتات بولۋدىڭ باستى ماقساتى مەن مىندەتى دە مەن ءۇشىن جەرلەستەرىمنىڭ ءومىر ساپاسىن جاقسارتۋعا بارىنشا ۇلەس قوسۋ. ءومىر سۇرۋگە قولايلىعى جاعىنان جەزقازعان، ساتپاەۆ قالالارى ەڭ سوڭعى ساتىدا. وعان سەبەپ - سوڭعى 26 جىلدا قازىرگى ۇلىتاۋ وبلىسى قالالارى مەن ەلدى-مەكەندەرىن دامىتۋ بويىنشا قانداي دا ءبىر ناقتى قادامدار جاسالمادى...الداعى ۋاقىتتا ۇلىتاۋ وبلىسى تۇرعىندارىنىڭ كوتەرگەن ماسەلەلەرىنە باسا نازار اۋدارتىپ، رەسپۋبليكا دەڭگەيىندەگى بارلىق باق پەن الاڭداردا وبلىس الەۋەتان كوتەرۋگە كۇش سالماقپىن - دەيدى قازىبەك مايگەلدينوۆ.
كانديدات الەۋمەتتىك جەلى پاراقشاسىندا دا ءاربىر ەلدى-مەكەننىڭ ماسەلەسىنە ءجىتى توقتالىپ، ناقتى باعا بەرىپ وتىرادى. مىسالى، قاراجال ءوڭىرىنىڭ ەڭبەككەرلەرى مەن تۇرعىندارىنىڭ ماسەلەسىن بىلايشا تالداعان:
- قاراجال تۇرعىندارىن قاتتى الاڭداتاتىن بىرنەشە باعىتى بار.
بىرىنشىدەن، سۋارمالى سۋ سوڭعى ءۇش جىل باستى پروبلەما. قىلىش سۋقويماسىن جاپقالى، جىل سايىن جاز ايىندا سۋارمالى سۋ توقتاپ قالادى.ەكىنشىدەن، قالادا ءبىر عانا جانار-جاعارماي ستانتسياسى جەكە مەنشىك، جانارماي ساپاسى وتە تومەن. بۇل دەگەنىڭىز كولىك سىنىپ، شىعىنعا تۇسەدى جەرگىلىكتى تۇرعىندار.ۇشىنشىدەن، جاستاردىڭ ايتۋىنشا جاس وتباسىلاردا كىشكەنتاي بالالار كوپ، الايدا بالاباقشا مۇلدەم جەتىسپەيدى. بۇل ەندى كوپ جەردە بار پروبلەما، الايدا جاستار وسىندا مونو كىشكەنتاي قالادا تۇرام دەپ تۇرعاندا، بارلىق جاعداي جاسالۋ كەرەك.
جالپى حالىق جاڭا بايتاق پارتياسىنان ۇلكەن ءۇمىت كۇتەدى. ءۇمىت بار، وزگەرىس كۇتۋدە. باعدارلامامدى قولداپ، داۋىس بەرەمىز، تەك ءبىزدى ۇمىتپاڭىز دەپ قالدى. وتە جارقىن، وتە باۋىرمال قاراجالدىقتاردى قيماي قوشتاستىم.
- قاراشا حالىق وزگەرىستى قالايدى، از دا بولسا ەل ءۇمىتىن ارقالاپ، وسىنداي ماڭىزدى اۋىل ماسەلەلەرىن كەڭ ناسيحاتتاپ، كوڭاىل اۋدارتۋ باستى پارىز. ”اۋرۋىن جاسىرعان اڭداماي ولەدى” دەمەكشى، الداعى ۋاقىتتا ۇلىتاۋ ءوڭىرىنىڭ وسىنداي تۇيىتكىلدى ماسەلەلەرىن شەشۋ باستى مىندەت بولماق، - دەيدى كانديدات.
