Jergilikti halyqpen kún saıynǵy kezdesýde naqty baǵdarlamasyn usynyp, ár máselege qatysty ustanymy men ózindik sheshimin ashyq aıtyp júrgen kandıdat Qazybek Maıgeldınovtiń oımaqtaı oılary saılaýshy qaýymǵa oı salmaı qoımaıdy. Ol - Ulytaý oblysynan Májilis depýtattyǵyna úmitker azamat.
Halyqpen tikeleı baılanysyp, elge qyzmet etý jolynda óz ustanymyn tyń ádistermen tanytqan úmitker búginniń ózinde Ulytaý oblysy boıynsha 3 qala, 2 aýdan, 9 aýyldyń turǵyndarymen júzdesip úlgerdi. 2500 myń shaqyrym jol júrip, el ishin etene aralady, halyqtyń shaǵym-talabyn tyńdady.
Kandıdat el aralap, halyqpen kezdesý barysynda birqatar qordalanyp qalǵan máselelerge nazar aýdarady. Ásirese, óskeleń urpaqtyń alańsyz bilim alýy úshin erekshe jaǵdaı jasalýy qajet ekendigin alǵa tartady. Máselen, úmitker óziniń kezekti jazbasynda:
- Alǵashqy kezdesý №9 orta mektebiniń ujymymen ótti. Bekbolatsaı (burynǵy Rybachıı) shaǵyn aýdanynda ornalasqan mektepte ınternet ta bar. Bul jerge qala mańyndaǵy mektebi joq Qorǵanbaı sııaqty aýyldardyń balalary da kelip oqıdy.Birneshe mektepten kórgenim, materıaldyq-tehnıkalyq jabdyqtaýy sol 23 jyl bitirgen kezdegi kúıde. Kosmetıkalyq jóndeý ǵana júrgizilgen.Muǵalimder tarapynan ekologııalyq tólemder týraly, áleýmettik qamsyzdandyrý, qala ınfraqurylymyn jaqsartý haqynda suraqtar qoıyldy, - dep, bilim salasy men ekologııalyq mádenıettiń qoǵamdyq mańyzyna qatysty tereń oı tastaıdy.
Negizinen alǵanda, Qazybek Maıgeldınov partııalyq tizimmen emes, jeke bir mandatty okrýg arqyly majorıtarlyq júıemen depýtattyq saılaýǵa túsýge sheshim qabyldaǵan úmitker. Mamandyǵy - tarıhshy. Sonymen qatar, arheologııa, zań, saıasattaný ǵylymyn meńgergen. Sońǵy 10 jyl boıy saıasattanýshy, qoǵam belsendisi retinde belsendi túrde qyzmet etip keledi. Onyń aıqyn dáleli - “Qazaqstandyq qoǵamdyq damý ınstıtýty” basshysy retinde elimizdegi qoǵamdyq keńester jumysy boıynsha Ulttyq baıandama daıyndaýy, elimizdegi saıası reformalardy júzege asyrý boıynsha arnaıy ádisnamalar, saraptamalyq baıandamalardy jazýǵa qatysýy (qazirgi praktıkalyq túrindegi qoǵamdyq-saıası ózgeristerdiń tujyrymdamalary).
- Meniń ustanymym - qandaı da is jasalmasyn, basty múdde elimizdiń damýy, halqymyzdyń joǵary ál-aýqaty. 2022 jylǵa deıin bıliktegi monopolııa, ekonomıkadaǵy olıgopolııa keri áserin berip, “qaraly qańtarǵa” dýshar boldyq. Osy kúnge deıin jalań uran tastaǵan emespin. Aqty aq, qarany qara deýmen keldim. Iá, ras, qaı alańda bolsyn obektıvti máseleler de kóterdim, estıtin qulaq bolsa árıne.
Toq eteri, halyq qalaýlysy ıakı depýtat Májilis minberinen halyqty mazalap otyrǵan túıitkildi máseleni kótermese, halyqtyń janyna batyp otyrǵan qısyq áreketter men isterge bıliktiń nazaryn aýdartpasa, depýtattyq saýal qoıyp sol máselelerdi sheshýge atsalyspasa, “jabýly qazandy jabýly” qaldyryp, bar “aýrýyn jasyryp” únsiz, kereń bolyp kresloda otyrsa - odan ne paıda?! - deıdi úmitker óz maqsaty jaıynda.
- Saılaýǵa túsip, depýtat bolýdyń basty maqsaty men mindeti de men úshin jerlesterimniń ómir sapasyn jaqsartýǵa barynsha úles qosý. Ómir súrýge qolaılyǵy jaǵynan Jezqazǵan, Sátpaev qalalary eń sońǵy satyda. Oǵan sebep - sońǵy 26 jylda qazirgi Ulytaý oblysy qalalary men eldi-mekenderin damytý boıynsha qandaı da bir naqty qadamdar jasalmady...Aldaǵy ýaqytta Ulytaý oblysy turǵyndarynyń kótergen máselelerine basa nazar aýdartyp, respýblıka deńgeıindegi barlyq BAQ pen alańdarda oblys áleýetán kóterýge kúsh salmaqpyn - deıdi Qazybek Maıgeldınov.
Kandıdat áleýmettik jeli paraqshasynda da árbir eldi-mekenniń máselesine jiti toqtalyp, naqty baǵa berip otyrady. Mysaly, Qarajal óńiriniń eńbekkerleri men turǵyndarynyń máselesin bylaısha taldaǵan:
- Qarajal turǵyndaryn qatty alańdatatyn birneshe baǵyty bar.
Birinshiden, sýarmaly sý sońǵy úsh jyl basty problema. Qylysh sýqoımasyn japqaly, jyl saıyn jaz aıynda sýarmaly sý toqtap qalady.Ekinshiden, qalada bir ǵana janar-jaǵarmaı stanııasy jeke menshik, janarmaı sapasy óte tómen. Bul degenińiz kólik synyp, shyǵynǵa túsedi jergilikti turǵyndar.Úshinshiden, jastardyń aıtýynsha jas otbasylarda kishkentaı balalar kóp, alaıda balabaqsha múldem jetispeıdi. Bul endi kóp jerde bar problema, alaıda jastar osynda mono kishkentaı qalada turam dep turǵanda, barlyq jaǵdaı jasalý kerek.
Jalpy halyq jańa Baıtaq partııasynan úlken úmit kútedi. Úmit bar, ózgeris kútýde. Baǵdarlamamdy qoldap, daýys beremiz, tek bizdi umytpańyz dep qaldy. Óte jarqyn, óte baýyrmal qarajaldyqtardy qımaı qoshtastym.
- Qarasha halyq ózgeristi qalaıdy, az da bolsa el úmitin arqalap, osyndaı mańyzdy aýyl máselelerin keń nasıhattap, kóńáil aýdartý basty paryz. ”Aýrýyn jasyrǵan ańdamaı óledi” demekshi, aldaǵy ýaqytta Ulytaý óńiriniń osyndaı túıitkildi máselelerin sheshý basty mindet bolmaq, - deıdi kandıdat.
