Qazaq elinde áıelder memlekettik basqarý isin shyrq ıirip, azamattarymyzben teń dárejede qyzmet atqarady. Bul jaıly búgin Úkimet otyrysynda Premer-mınıstr Álıhan Smaıylov aıtty, dep habarlaıdy "Adyrna" ulttyq portaly.
Qazaq elinde kásibin dóńgeletip, eldiń damýyna da óz úlesin qosyp otyrǵan jany kórkem jandarymyz kóp.
- Máselen, ekonomıkalyq yntymaqtastyq jáne damý uıymynyń derekterine sáıkes, Qazaqstanda bıznestegi áıelderdiń úlesi 45 paıyz. Bul –AQSh pen Túrkııa sııaqty elderge qaraǵanda joǵary kórsetkish. Qazaqstandyq áıelder «Damý» qory qoldaǵan jobalardyń jartysyna jýyǵyn júzege asyrdy. Bul rette jobalardyń úshten birin aýyldyq jerlerden kelgen kásipker áıelder aldy. Biz túrli salalardaǵy áıelderdiń belsendiligin arttyrýǵa múddeli ekendigimizdi atap ótkim keledi, - dedi ol.
Premer memleket áıelderdi áleýmettik qoldaý máselelerine erekshe nazar aýdaryp otyrǵanyn aıtty.
- Ana men balany qorǵaý, kásipker áıelderdi qoldaý, kópbalaly analarǵa, bala asyrap alǵan otbasylarǵa kómek kórsetý, áıelderdi jumyspen qamtýǵa járdemdesý, qarııalarǵa qamqorlyq jasaý memlekettik saıasattyń mańyzdy baǵyttary bolyp qala beredi, - dedi Smaıylov.
"Adyrna" ulttyq portaly
