اۋىل بولاشاعى جاستاردىڭ قولىندا

1941
Adyrna.kz Telegram

«اۋىل» پارتياسىنان قر پارلامەنتى ءماجىلىسىنىڭ دەپۋتاتتىعىنا كانديدات قايرات ايتۋعانوۆ، سەرىك ەگىزباەۆ، رابيعا توقسەيىتوۆا، نيكولاي ارسيۋتين، ءىلياس دوسقوجاەۆ، قۋانىش سەيىتجانوۆ، داۋرەن راحىمبەك پەن اتالعان پارتيادان ءتۇرلى دەڭگەيدەگى جەرگىلىكتى ماسليحاتتارعا كانديداتتار قاراعاندى وبلىسىنا باردى. وندا ولار «ەتالون LTD» جشس ۇن تارتۋ كەشەنىنىڭ ەڭبەك ۇجىمىمەن، «بولاشاق» اكادەمياسىندا سايلاۋشىلارىمەن كەزدەستى.

كانديداتتار الدىمەن ات باسىن «ەتالون LTD» جشس ۇن تارتۋ كەشەنىنە تىرەدى. جيىن اتالعان كەشەننىڭ تاعامدىق، جوعارى ساپالى بيداي كەبەگىن، ۆيتاميندەر جانە مينەرالدارمەن بايىتىلعان، جوعارى، ءبىرىنشى جانە ەكىنشى سورتتى بيداي ۇنىن شىعاراتىن وندىرىستىك بازاسىندا ءوتتى. كاسىپورىن وتاندىق استىق وندىرۋشىلەردەن بيداي ساتىپ الىپ، ونى ونىمگە اينالدىرۋ ارقىلى تۇراقتى جۇمىس ىستەيدى. الايدا سوڭعى كەزدەردەگى استىق باعاسىنىڭ تۇراقسىزدىعى كاسىپورىن جۇمىسىنىڭ ىرعاعىنا اسەر ەتۋدە.

«بىلتىر ەلىمىزدە استىق جەتكىزۋدە داعدارىس بولدى. فەرمەرلەر مەن وڭدەۋشىلەر باعاعا كەلىسە المادى.  شەنەۋنىكتەر ماسەلەنى شەشۋدىڭ ورنىنا استىق ەكسپورتىنا تىيىم سالىپ، سول ارقىلى فەرمەرلەر مۇددەسىن اياقاستى ەتتى.  فەرمەرلەر وندىرگەن اۋىل شارۋاشىلىعى ونىمدەرى قۇنىن سۋبسيديالاۋ ارقىلى تارازى باسىن تەڭەستىرۋگە مۇمكىندىك بولسا دا، ولار باسقا ەشتەڭە ويلاپ تاپپادى. سۋبسيديا ارقىلى فەرمەرلەردىڭ، ۇن تارتۋشىلاردىڭ، ەڭ باستىسى، ۇن مەن نان تۇتىنۋشىلاردىڭ، ياعني قازاقستاننىڭ بارلىق ازاماتىنىڭ مۇددەسى قورعالار ەدى.  اگروونەركاسىپتىك كەشەندىدامىتۋدىڭ ۇلتتىق ستراتەگياسىنا ءبىرىنشى كەزەكتە اۋىل شارۋاشىلىعى تاۋارىن وندىرۋشىلەردىڭ سەرۆيستىك-تۇتىنۋ كووپەراتسياسىن ىنتالاندىرۋ نەگىزىندە اۋىل شارۋاشىلىعىنىڭ وندىرىستىك ينفراقۇرىلىمىن قۇرۋ، ەكىنشىدەن، تۇپكىلىكتى ناتيجەگە باعىتتالعان سۋبسيديالاۋ جۇيەسىنەن باستاپ اۋىل شارۋاشىلىعىن مەملەكەتتىك قولداۋ جۇيەسىن رەفورمالاۋ قاجەت. مەملەكەتتىك ورگانداردىڭ اگروبيزنەس دامۋىنا كەرى اسەر ەتەتىن كەز كەلگەن ارەكەتىنە تىيىم سالاتىن، وتاندىق بيزنەستى يمپورت قىسىمىنان قورعايتىن جاڭا كەدەندىك-تاريفتىك ساياساتتى ازىرلەۋ كەرەك. «اۋىل» پارتياسى ماجىلىسكە بارعاندا ءبىرىنشى كەزەكتە وسىلارمەن اينالىسادى»، – دەدى كەشەننىڭ جۇزگە تارتا جۇمىسشىسى الدىندا ءسوز العان رابيعا توقسەيىتوۆا.

كەشەننەن كەيىن كانديداتتار «بولاشاق» اكادەمياسىندا سايلاۋشىلارىمەن كەزدەستى. وقىتۋشىلار مەن ستۋدەنت جاستار قاتىسقان جيىن اكادەميانىڭ اكت زالىندا ءوتتى. كانديداتتار كەزدەسۋگە كەلگەندەرگە «اۋىل» پارتياسىنىڭ سايلاۋالدى باعدارلاماسىن جان جاقتى ءتۇسىسىندىرىپ، ۇگىت-ناسيحات جۇمىسىن جۇرگىزدى.

« الەمدە ازىق-تۇلىك داعدارىسى كۇشەيىپ كەلەدى. بۇل قازاقستاننىڭ ءوز حالقىن جوعارى ساپالى ازىق-تۇلىكپەن قامتاماسىز ەتىپ قانا قويماي، اۋىل شارۋاشىلىعى ونىمدەرىن حالىقارالىق نارىقتارعا ەكسپورتتاۋشى جەتەكشى ەل بولۋىنا دا زور مۇمكىندىكتەر اشادى. بۇگىندە جاستار «اۋىل» ءسوزىن كەلەشەكسىز، قالىپتى ءومىر سۇرۋگە مۇمكىندىگى جوق جەرمەن بايلانىستىرادى. بۇل تىپتەن تەرىس ۇعىم. «اۋىل» پارتياسى ەلدى اگرارلىق دەرجاۆاعا اينالدىرۋدى كوزدەيدى. ول ءۇشىن وڭىرلەردە جۇمىس ىستەۋگە جانە اگروبيزنەستىڭ جاڭا تۇرلەرىن بىرىكتىرۋگە دايىن جاڭا، ءبىلىمدى جاستار قاجەت. سالاداعى ماماندار بىلىكىتىلىگىنە ەرەكشە نازار اۋداراتىن كەز كەلدى. ءوندىرىس وشاقتارىنا زاماناۋي تەحنولوگيالاردى ەنگىزە الاتىن جوعارى دەڭگەيلى قىزمەتكەرلەر كەرەك. وسىلايشا عانا وڭتايلى ناتيجەگە قول جەتكىزە الامىز.  بىز ماجىلىسكە بارعاندا «ديپلوممەن – اۋىلعا!» باعدارلاماسىنا وزگەرىستەر ەنگىزۋدى قولعا الامىز. «اۋىل» پارتياسىنىڭ نەگىزگى باعىتى – اۋىل شارۋاشىلىعى سالاسىنىڭ قارىشتاپ دامۋىن قامتاماسىز ەتىپ، اۋىلداردىڭ وركەندەۋىنە ۇلەس قوسۋ. بۇل سىزدەردىڭ، جاستاردىڭ قاتىسۋىمەن، قولداۋىمەن جۇزەگە اساتىن جۇمىس»، – دەدى جاستار الدىندا ءسوز العان ءماجىلىس دەپۋتاتتىعىنا كانديدات، ەكونوميكا عىلىمدارىنڭ دوكتورى قايرات ايتۋعانوۆ.

«اۋىل» پارتياسىنىڭ سايلاۋالدى باعدارلاماسىن ەكى مەكەمەدە دە وتە جىلى، جاقسى قابىلدادى.

پىكىرلەر