«Auyl» partiiasynan QR Parlamentı Mäjılısınıŋ deputattyǧyna kandidat Qairat Aituǧanov, Serık Egızbaev, Rabiǧa Toqseiıtova, Nikolai Arsiutin, Iliias Dosqojaev, Quanyş Seiıtjanov, Däuren Rahymbek pen atalǧan partiiadan türlı deŋgeidegı jergılıktı mäslihattarǧa kandidattar Qaraǧandy oblysyna bardy. Onda olar «Etalon LTD» JŞS ūn tartu keşenınıŋ eŋbek ūjymymen, «Bolaşaq» akademiiasynda sailauşylarymen kezdestı.
Kandidattar aldymen at basyn «Etalon LTD» JŞS ūn tartu keşenıne tıredı. Jiyn atalǧan keşennıŋ taǧamdyq, joǧary sapaly bidai kebegın, vitaminder jäne mineraldarmen baiytylǧan, joǧary, bırınşı jäne ekınşı sortty bidai ūnyn şyǧaratyn öndırıstık bazasynda öttı. Käsıporyn otandyq astyq öndıruşılerden bidai satyp alyp, ony önımge ainaldyru arqyly tūraqty jūmys ısteidı. Alaida soŋǧy kezderdegı astyq baǧasynyŋ tūraqsyzdyǧy käsıporyn jūmysynyŋ yrǧaǧyna äser etude.
«Byltyr elımızde astyq jetkızude daǧdarys boldy. Fermerler men öŋdeuşıler baǧaǧa kelıse almady. Şeneunıkter mäselenı şeşudıŋ ornyna astyq eksportyna tyiym salyp, sol arqyly fermerler müddesın aiaqasty ettı. Fermerler öndırgen auyl şaruaşylyǧy önımderı qūnyn subsidiialau arqyly tarazy basyn teŋestıruge mümkındık bolsa da, olar basqa eşteŋe oilap tappady. Subsidiia arqyly fermerlerdıŋ, ūn tartuşylardyŋ, eŋ bastysy, ūn men nan tūtynuşylardyŋ, iaǧni Qazaqstannyŋ barlyq azamatynyŋ müddesı qorǧalar edı. Agroönerkäsıptık keşendıdamytudyŋ Ūlttyq strategiiasyna bırınşı kezekte auyl şaruaşylyǧy tauaryn öndıruşılerdıŋ servistık-tūtynu kooperasiiasyn yntalandyru negızınde auyl şaruaşylyǧynyŋ öndırıstık infraqūrylymyn qūru, ekınşıden, tüpkılıktı nätijege baǧyttalǧan subsidiialau jüiesınen bastap auyl şaruaşylyǧyn memlekettık qoldau jüiesın reformalau qajet. Memlekettık organdardyŋ agrobiznes damuyna kerı äser etetın kez kelgen äreketıne tyiym salatyn, otandyq biznestı import qysymynan qorǧaityn jaŋa kedendık-tariftık saiasatty äzırleu kerek. «Auyl» partiiasy Mäjılıske barǧanda bırınşı kezekte osylarmen ainalysady», – dedı keşennıŋ jüzge tarta jūmysşysy aldynda söz alǧan Rabiǧa Toqseiıtova.
Keşennen keiın kandidattar «Bolaşaq» akademiiasynda sailauşylarymen kezdestı. Oqytuşylar men student jastar qatysqan jiyn akademiianyŋ akt zalynda öttı. Kandidattar kezdesuge kelgenderge «Auyl» partiiasynyŋ sailaualdy baǧdarlamasyn jan jaqty tüsısındırıp, ügıt-nasihat jūmysyn jürgızdı.
« Älemde azyq-tülık daǧdarysy küşeiıp keledı. Būl Qazaqstannyŋ öz halqyn joǧary sapaly azyq-tülıkpen qamtamasyz etıp qana qoimai, auyl şaruaşylyǧy önımderın halyqaralyq naryqtarǧa eksporttauşy jetekşı el boluyna da zor mümkındıkter aşady. Bügınde jastar «auyl» sözın keleşeksız, qalypty ömır süruge mümkındıgı joq jermen bailanystyrady. Būl tıpten terıs ūǧym. «Auyl» partiiasy eldı agrarlyq derjavaǧa ainaldyrudy közdeidı. Ol üşın öŋırlerde jūmys ısteuge jäne agrobiznestıŋ jaŋa türlerın bırıktıruge daiyn jaŋa, bılımdı jastar qajet. Saladaǧy mamandar bılıkıtılıgıne erekşe nazar audaratyn kez keldı. Öndırıs oşaqtaryna zamanaui tehnologiialardy engıze alatyn joǧary deŋgeilı qyzmetkerler kerek. Osylaişa ǧana oŋtaily nätijege qol jetkıze alamyz. Bız Mäjılıske barǧanda «Diplommen – auylǧa!» baǧdarlamasyna özgerıster engızudı qolǧa alamyz. «Auyl» partiiasynyŋ negızgı baǧyty – auyl şaruaşylyǧy salasynyŋ qaryştap damuyn qamtamasyz etıp, auyldardyŋ örkendeuıne üles qosu. Būl sızderdıŋ, jastardyŋ qatysuymen, qoldauymen jüzege asatyn jūmys», – dedı jastar aldynda söz alǧan mäjılıs deputattyǧyna kandidat, ekonomika ǧylymdarynŋ doktory Qairat Aituǧanov.
«Auyl» partiiasynyŋ sailaualdy baǧdarlamasyn ekı mekemede de öte jyly, jaqsy qabyldady.
