Aýyl bolashaǵy jastardyń qolynda

1943
Adyrna.kz Telegram

«Aýyl» partııasynan QR Parlamenti Májilisiniń depýtattyǵyna kandıdat Qaırat Aıtýǵanov, Serik Egizbaev, Rabıǵa Toqseıitova, Nıkolaı Arsıýtın, Ilııas Dosqojaev, Qýanysh Seıitjanov, Dáýren Rahymbek pen atalǵan partııadan túrli deńgeıdegi jergilikti máslıhattarǵa kandıdattar Qaraǵandy oblysyna bardy. Onda olar «Etalon LTD» JShS un tartý kesheniniń eńbek ujymymen, «Bolashaq» akademııasynda saılaýshylarymen kezdesti.

Kandıdattar aldymen at basyn «Etalon LTD» JShS un tartý keshenine tiredi. Jıyn atalǵan keshenniń taǵamdyq, joǵary sapaly bıdaı kebegin, vıtamınder jáne mıneraldarmen baıytylǵan, joǵary, birinshi jáne ekinshi sortty bıdaı unyn shyǵaratyn óndiristik bazasynda ótti. Kásiporyn otandyq astyq óndirýshilerden bıdaı satyp alyp, ony ónimge aınaldyrý arqyly turaqty jumys isteıdi. Alaıda sońǵy kezderdegi astyq baǵasynyń turaqsyzdyǵy kásiporyn jumysynyń yrǵaǵyna áser etýde.

«Byltyr elimizde astyq jetkizýde daǵdarys boldy. Fermerler men óńdeýshiler baǵaǵa kelise almady.  Sheneýnikter máseleni sheshýdiń ornyna astyq eksportyna tyıym salyp, sol arqyly fermerler múddesin aıaqasty etti.  Fermerler óndirgen aýyl sharýashylyǵy ónimderi qunyn sýbsıdııalaý arqyly tarazy basyn teńestirýge múmkindik bolsa da, olar basqa eshteńe oılap tappady. Sýbsıdııa arqyly fermerlerdiń, un tartýshylardyń, eń bastysy, un men nan tutynýshylardyń, ıaǵnı Qazaqstannyń barlyq azamatynyń múddesi qorǵalar edi.  Agroónerkásiptik keshendidamytýdyń Ulttyq strategııasyna birinshi kezekte aýyl sharýashylyǵy taýaryn óndirýshilerdiń servıstik-tutyný kooperaııasyn yntalandyrý negizinde aýyl sharýashylyǵynyń óndiristik ınfraqurylymyn qurý, ekinshiden, túpkilikti nátıjege baǵyttalǵan sýbsıdııalaý júıesinen bastap aýyl sharýashylyǵyn memlekettik qoldaý júıesin reformalaý qajet. Memlekettik organdardyń agrobıznes damýyna keri áser etetin kez kelgen áreketine tyıym salatyn, otandyq bıznesti ımport qysymynan qorǵaıtyn jańa kedendik-tarıftik saıasatty ázirleý kerek. «Aýyl» partııasy Májiliske barǵanda birinshi kezekte osylarmen aınalysady», – dedi keshenniń júzge tarta jumysshysy aldynda sóz alǵan Rabıǵa Toqseıitova.

Keshennen keıin kandıdattar «Bolashaq» akademııasynda saılaýshylarymen kezdesti. Oqytýshylar men stýdent jastar qatysqan jıyn akademııanyń akt zalynda ótti. Kandıdattar kezdesýge kelgenderge «Aýyl» partııasynyń saılaýaldy baǵdarlamasyn jan jaqty túsisindirip, úgit-nasıhat jumysyn júrgizdi.

« Álemde azyq-túlik daǵdarysy kúsheıip keledi. Bul Qazaqstannyń óz halqyn joǵary sapaly azyq-túlikpen qamtamasyz etip qana qoımaı, aýyl sharýashylyǵy ónimderin halyqaralyq naryqtarǵa eksporttaýshy jetekshi el bolýyna da zor múmkindikter ashady. Búginde jastar «aýyl» sózin kelesheksiz, qalypty ómir súrýge múmkindigi joq jermen baılanystyrady. Bul tipten teris uǵym. «Aýyl» partııasy eldi agrarlyq derjavaǵa aınaldyrýdy kózdeıdi. Ol úshin óńirlerde jumys isteýge jáne agrobıznestiń jańa túrlerin biriktirýge daıyn jańa, bilimdi jastar qajet. Saladaǵy mamandar bilikitiligine erekshe nazar aýdaratyn kez keldi. Óndiris oshaqtaryna zamanaýı tehnologııalardy engize alatyn joǵary deńgeıli qyzmetkerler kerek. Osylaısha ǵana ońtaıly nátıjege qol jetkize alamyz.  Biz Májiliske barǵanda «Dıplommen – aýylǵa!» baǵdarlamasyna ózgerister engizýdi qolǵa alamyz. «Aýyl» partııasynyń negizgi baǵyty – aýyl sharýashylyǵy salasynyń qaryshtap damýyn qamtamasyz etip, aýyldardyń órkendeýine úles qosý. Bul sizderdiń, jastardyń qatysýymen, qoldaýymen júzege asatyn jumys», – dedi jastar aldynda sóz alǵan májilis depýtattyǵyna kandıdat, ekonomıka ǵylymdarynń doktory Qaırat Aıtýǵanov.

«Aýyl» partııasynyń saılaýaldy baǵdarlamasyn eki mekemede de óte jyly, jaqsy qabyldady.

Pikirler