4 وڭىردە اۋا-رايىنىڭ قولايسىزدىعىنا بايلانىستى رەسپۋبليكالىق ماڭىزى بار اۆتوجولداردىڭ 15 ۋچاسكەسىندە جول قوزعالىسىنا ۋاقىتشا شەكتەۋ ەنگىزىلدى، دەپ حابارلايدى «ادىرنا» ءتىلشىسى.
اتاپ ايتساق، اقتوبە (1 ۋچاسكە), اقمولا (3 ۋچاسكە), سولتۇستىك قازاقستان (8 ۋچاسكە) جانە قوستاناي (3 ۋچاسكە) وڭىرلەرىندە رەسپۋبليكالىق ماڭىزداعى جولدار جابىلدى.
جوعارىدا اتالعان وڭىرلەردىڭ اۋماعىندا ورنالاسقان رەسپۋبليكالىق تاسجولداردى كۇتىپ-ۇستاۋمەن اينالىساتىن جول قىزمەتتەرى كۇشەيتىلگەن جۇمىس رەجيمىنە كوشتى.
رەسپۋبليكالىق ماڭىزى بار اۆتوجولداردا 400 بىرلىك ارنايى تەحنيكا مەن 520 جول جۇمىسشىسى قىسقى كۇتىپ-ۇستاۋ جۇمىستارىن اتقارۋدا.
ەستەرىڭىزگە سالا كەتەيىك، جولدا شتاتتان تىس جاعداي تۋىنداسا 1403 قىسقا نومىرىنە قوڭىراۋ شالۋ كەرەك.
