2023 جىلعى 4 ناۋرىز كۇنى استانا قالاسىنداعى Zodiak بيليارد كلۋبىندا زيالى قاۋىم مەن باق قىزمەتكەرلەرى اراسىندا جولداسبەك دۋاناباي اتىنداعى ءداستۇرلى بيليارد ءتۋرنيرى ءوتتى، دەپ حابارلايدى "ادىرنا" ۇلتتىق پورتالى.
اتالمىش ءىس-شارانى Aiqyn, «ليتەر» جانە Turkistan گازەتتەرى قازاق باسىلىمدارىنا ەلەۋلى ەڭبەك سىڭىرگەن بەلگىلى جۋرناليست، ب.بۇلقىشەۆ اتىنداعى سىيلىقتىڭ لاۋرەاتى، مادەنيەت قايراتكەرى جولداسبەك دۋانابايدىڭ قۇرمەتىنە ۇيىمداستىردى.
تۋرنيردە قر جوعارى ۇلتتىق دارەجەدەگى تورەشى نەسىپ ءجۇنىسبايۇلى تورەشىلىك ەتتى.
جارىستا جالپى سانى 48 ادام باق سىنادى. ويىن قورىتىندىسى بويىنشا 55 جاستان اسقاندار ساناتىندا:
ءى ورىن (100 مىڭ تەڭگە) – ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى، عالىم قايرات ساق;
ءىى ورىن (70 مىڭ تەڭگە) – جۋرناليست ءالىمجان سابىرجانۇلى;
ءىىى ورىن (50 مىڭ تەڭگە) – جازۋشى، ارداگەر جۋرناليست نەسىپ ءجۇنىسبايۇلىنا بۇيىردى.
ال 55 جاسقا دەيىنگىلەر ساناتىندا:
ءى ورىن (100 مىڭ تەڭگە) – جۋرناليست ءنۇردىلدا وراز;
ءىى ورىن (70 مىڭ تەڭگە) – اقىن، دراماتۋرگ ۇلاربەك نۇرعالىم;
ءىىى ورىن (50 مىڭ تەڭگە) – «حابار» اگەنتتىگىنىڭ ءجۋرناليسى احمەتالى ساققا بۇيىردى.
جولداسبەك دۋاناباي اتىنداعى ارنايى سىيلىق سەنات دەپۋتاتى نۇرتورە جۇسىپكە تابىستالدى. «شەبەر ويىنشى» نوميناتسياسىن شارحان قازىعۇل ەنشىلەسە، قاينار ولجاي مەن سەرىك جانبولات سايىستىڭ ۇزدىك ويىنشىلارى اتاندى. سونداي-اق تۋرنيرگە قاتىسقان ەربول ەردەنبەك پەن ەرمۇحامەد ماۋلەن ءتۋرنيردىڭ سۇرمەرگەنى اتاندى.
