استانا قالاسىنداعى مەملەكەتتىك بالاباقشالاردىڭ بىرىنە جاڭادان باسشىلىق قىزمەتكە تاعايىندالعان مەڭگەرۋشى قازاقستان رەسپۋبليكاسىنىڭ «پەداگوگ مارتەبەسى تۋرالى» زاڭى، ەڭبەك كودەكسى، «دەربەس دەرەكتەر جانە ولاردى قورعاۋ تۋرالى» زاڭى جانە مەكتەپكە دەيىنگى ۇيىمداردىڭ تەرروريزمگە قارسى قورعالۋ تالاپتارىن بۇزعانى ءۇشىن قىزمەتىنەن بوساتىلدى.
اتاپ ايتقاندا، بالاباقشا مەڭگەرۋشىسى پەداگوگتەردى ولاردىڭ نەگىزگى ەڭبەك فۋنكتسياسىنا جانە لاۋازىمدىق مىندەتتەرىنە قاتىسى جوق جۇمىستارعا تارتقان.
سونىمەن قاتار، مەكتەپكە دەيىنگى ۇيىم وبەكتىسىنىڭ تەرروريزمگە قارسى قورعالۋ تالاپتارىن بۇزۋ فاكتىسى انىقتالدى. اتاپ ايتقاندا، بوگدە ادامنىڭ ءتيىستى رۇقساتسىز جانە باقىلاۋسىز بالاباقشا اۋماعىنا كىرۋىنە جول بەرىلگەن.
تەكسەرۋ بارىسىندا اتالعان ادامنىڭ بالاباقشا مەڭگەرۋشىسىمەن بۇرىن زاڭدى نەكەدە بولعان جۇبايى ەكەنى انىقتالدى. الايدا ونىڭ ۇيىم قىزمەتىنە قاتىسۋىنا قۇقىقتىق نەگىز بەرەتىن ەڭبەك شارتى نەمەسە وزگە دە ءتيىستى كەلىسىم بولماعانىنا قاراماستان، ول بالاباقشا قىزمەتكەرلەرىنىڭ دەربەس دەرەكتەرىنە رۇقساتسىز قول جەتكىزگەن.
قازاقستان رەسپۋبليكاسىنىڭ «دەربەس دەرەكتەر جانە ولاردى قورعاۋ تۋرالى» زاڭىنىڭ تالاپتارىنا سايكەس دەربەس دەرەكتەردى جيناۋ، وڭدەۋ، ساقتاۋ جانە ولارعا قول جەتكىزۋ زاڭنامادا بەلگىلەنگەن تارتىپپەن جۇزەگە اسىرىلۋى ءتيىس.
اتالعان فاكتىلەر بالاباقشا ادىسكەرىنىڭ جانە كۇندىزگى كۇزەت قىزمەتكەرىنىڭ تۇسىنىكتەمەلەرىمەن، سونداي-اق بەينەباقىلاۋ كامەرالارىنداعى جازبالاردى زەردەلەۋ ناتيجەسىندە راستالدى.
تەكسەرۋ قورىتىندىسى بويىنشا بالاباقشا مەڭگەرۋشىسى تاراپىنان قىزمەتكەرلەردىڭ دەربەس دەرەكتەرىن بوگدە تۇلعاعا رۇقساتسىز ۇسىنۋ، تاراتۋ جانە ولارعا قولجەتىمدىلىكتى قامتاماسىز ەتۋ فاكتىلەرى انىقتالدى.
انىقتالعان بۇزۋشىلىقتاردى ەسكەرە وتىرىپ، بالاباقشا مەڭگەرۋشىسىمەن ەڭبەك شارتى بۇزىلىپ، ول اتقاراتىن قىزمەتىنەن بوساتىلدى.
