ۋكراينا باس پروكۋرورىنىڭ ءوفيسى قازاقستان رەسپۋبليكاسى باس پروكۋراتۋراسىنىڭ قارجى پيراميداسىنىڭ قىزمەتىن ۇيىمداستىرعانى جانە باسقارعانى ءۇشىن قىلمىستىق جاۋاپكەرشىلىككە تارتۋ ءۇشىن قازاقستان ازاماتشاسى ك.-نى ەكستراديتسيالاۋ تۋرالى ءوتىنىشىن قاناعاتتاندىردى.
تەرگەۋ بارىسىندا اتالعان ادامنىڭ 2017-2018 جىلدار كەزەڭىندە تۇرعىن ءۇي ساتىپ الۋعا جاردەمدەسۋگە ۋادە بەرىپ، قازاقستاندىق ازاماتتاردىڭ 85 ملن تەڭگەدەن استام اقشالاي قاراجاتىن الداپ العانى انىقتالدى.
قىلمىس جاساعاننان كەيىن ايەل ك. قىلمىستىق قۋدالاۋ ورگاندارىنان جاسىرىنىپ، حالىقارالىق ىزدەۋگە جاريالاندى.
2023 جىلعى قاڭتاردا كۇدىكتىنى ۋكراينا اۋماعىندا سول ەلدىڭ قۇقىق قورعاۋ ورگاندارى ۇستادى.
بۇگىن قازاقستاننىڭ باس پروكۋراتۋراسى مەن ينتەرپول قىزمەتكەرلەرى شەتەلدىك ارىپتەستەرىنىڭ كومەگىمەن ك.-نى ءبىزدىڭ ەلىمىزگە ەكستراديتسيالادى.
قازىرگى ۋاقىتتا ول استانانىڭ تەرگەۋ يزولياتورىنا قامالدى. جوعارىدا اتالعان قىلمىس جاساعاندار 5 جىلدان 12 جىلعا دەيىن باس بوستاندىعىنان ايىرىلۋى مۇمكىندىگىن ەسكەرتەمىز.
"ادىرنا" ۇلتتىق پورتالى
