«اۋىل» پارتياسى ۆەتەريناريا جۇيەسىن جاڭا تسيفرلىق پلاتفورماعا جەدەل اۋىستىرۋدى سۇرايدى

1076
Adyrna.kz Telegram

­

 پارتيا توراعاسى ا.بەكتاەۆ ءوز سوزىندە مال شارۋاشىلىعىن دامىتۋدا، ەلدىڭ ازىق-تۇلىك قاۋىپسىزدىگىن قامتاماسىز ەتۋدە، اۋىل شارۋاشىلىعىنىڭ ەكسپورتتىق الەۋەتىن ارتتىرۋدا ۆەتەريناريا جۇيەسىنىڭ ماڭىزدىلىعىن اتاپ ءوتىپ، پارتيا مۇشەلەرىنىڭ بۇل ىسكە بەلسەندى قاتىسۋىنا ەرەكشە نازار اۋداردى. ول سونداي-اق بۇگىندە بۇكىل وركەنيەتتى الەم تسيفرلىق تەحنولوگيالار مۇمكىندىكتەرىن بارىنشا پايدالانا وتىرىپ دامىپ كەلە جاتقانىن اتاپ ءوتتى جانە پارتيانىڭ اۋىل شارۋاشىلىعىندا، ونىڭ ىشىندە ۆەتەريناريادا تسيفرلاندىرۋدىڭ الدىڭعى قاتارىندا بولۋعا دەگەن ۇمتىلىسىن اتاپ كورسەتتى. 

شارادا ءسوز سويلەگەن قر پارلامەنتى ءماجىلىسىنىڭ دەپۋتاتتىعىنا كانديدات رابيعا توقسەيىتوۆا مەن اناس باققوجاەۆ ۆەتەريناريا جۇيەسىن دامىتۋدى، ونى زاماناۋي جۇمىس ادىستەرىنە اۋىستىرۋدى، ۆەتەرينارلىق ماماندار بەدەلىن ارتتىرۋدى، وعان جاستاردىڭ كەلۋى ءۇشىن جاعداي جاساۋدى جاقتادى. اتالعان سالانى تسيفرلىق فورماتقا تولىق كوشىرۋ –ۆەتەريناريالىق ماماندىق بەدەلىن ارتتىرۋدىڭ باستى شارتتارىنىڭ ءبىرى. سپيكەرلەر پارتيا اۋىل تۇرعىندارىنىڭ باس قورعاۋشىسى رەتىندە اۋىل مەن اۋىل شارۋاشىلىعى ماسەلەسىن شەشۋ جولىنداعى كۇرەستىڭ باسىندا بولاتىنىن ايتىپ، شاراعا قاتىسۋشىلاردى «اۋىل» پارتياسىنا داۋىس بەرۋگە شاقىردى.

ماتەريالدىڭ اقىسى «اۋىل» حدپپ سايلاۋ قورى قاراجاتىنان تولەندى.

پىكىرلەر