بۇگىن استانادا ماڭگىلىك ەل داڭعىلىنداعى ون ەكى قاباتتى تۇرعىن ءۇيدىڭ جەتىنشى قاباتىنداعى پاتەرلەردىڭ بىرىندە كەرمە توبە ورتەندى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى "ادىرنا".
تجم بولىمشەلەرىنىڭ كۇشىمەن ءورتتىڭ تارالۋىنا جول بەرىلمەدى. ءورت جەدەل تۇردە وقشاۋلانىپ، تولىقتاي ءسوندىرىلدى.
"زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر", – دەلىنگەن حابارلامادا.
تجم ءورت قاۋىپسىزدىگى ەرەجەلەرىن ساقتاۋ قاجەتتىگىن ەسكەرتتى.
ۇقساس جاڭالىقتار
