جۋرناليستەر مينيسترگە سۇراق قويۋ بارىسىندا ەكس-پرەزيدەنت نۇرسۇلتان نازارباەۆتىڭ كەڭسەسىن قارجىلاندىرۋعا 3 جىلدىڭ ىشىندە 5,6 ميلليارد تەڭگە بولىنگەنىن ايتىپ، «ەلباسى» تۋرالى زاڭنىڭ كۇشى جويىلعاننان كەيىنگى قارجىلاندىرۋ قالاي جۇزەگە اساتىنىن سۇرادى، دەپ حابارلايدى “ادىرنا” ۇلتتىق پورتالى.
بۇل سۇراققا مينيستر ەرۇلان جاماۋباەۆ جاۋاپ بەردى.
“الدىمەن زاڭ، زاڭعا تاۋەلدى اكتىلەر، ءتيىستى قاۋلىلار بار. وزگەرىستەر ەنگىزىلگەن كەزدە قارجىلاندىرۋدى ازايتامىز. كەي جەرلەردە قارجىلاندىرۋدى مۇلدە الىپ تاستايمىز. ءبىز ءۇشىن بۇل تۇسىنىكتى، زاڭ ءاردايىم ءبىرىنشى ورىندا. سونداي-اق قابىلدانۋعا ءتيىس زاڭعا تاۋەلدى اكتىلەر بار. وسىدان كەيىن قارجىلاندىرۋعا قاتىستى شەشىم قابىلدايمىز. ازىرگە بىرتىندەپ قىسقارتامىز»، - دەدى ەرۇلان جاماۋباەۆ.
سونىمەن قاتار ول زاڭعا تاۋەلدى اكتىلەردى قابىلداۋ مەرزىمى 2 اي كولەمىندە ناقتىلاناتىنىن جەتكىزدى.
