الماتى وبلىسىندا ۇيدە شىققان ورتتەن ەر ادام مەن ەكى بالاسى تىرىدەي جانىپ كەتتى

1657
Adyrna.kz Telegram

الماتى وبلىسىندا ۇيدە شىققان ورتتەن ەر ادام مەن ەكى بالاسى تىرىدەي جانىپ كەتتى. بۇل تۋرالى جۋرناليست سەرىك ابىكەنۇلى ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.

"كەشە الماتى وبلىسى، ۇيعىر اۋدانى، كەپەبۇلاق اۋىلىندا جان تۇرشىگەرلىك قايعىلى جاعداي بولدى. ۇيدە شىققان ورتتەن اكەسى مەن كىشكەنتەي ەكى پەرىشتە بالاسى تىرىدەي جانىپ كەتتى. تۇرعىندار ۋاقىتىندا كومەك شاقىرا الماعان، ءورت سوندىرۋشىلەرگە حابار بەرە الماعان. نەگە دەيسىز بە؟ دامىعان قازاقستاننىڭ اۋىلىندا ۇيالى بايلانىس جوق! وسى ماسەلەنى كوتەرگەنىمىزگە ون جىلدان كوپ ۋاقىت بولعان شىعار، اينالاداعى ەلدىمەكەننىڭ بارىنە ەكىدەن ۆىشكا قويىپ، تازا قازاقتار تۇراتىن الاقانداي اۋىلدى اينالىپ وتەتىندەي... الماتى وبلىسىنىڭ اكىمدىگىنىڭ سالعىرتتىعىنان حالىقتىڭ ىزا-كەگى قايناپ وتىر قازىر...", - دەپ جازدى جۋرناليست.

"ادىرنا" ۇلتتىق پورتالى 

پىكىرلەر