الەۋمەتتىك جەلىدە "ماسلەنيتسا" ءدىني مەرەكەسىن مەكتەپ اۋلاسىندا تويلاعانداردى بەينەلەيتىن ۆيدەو جاريالاندى. اتىراۋداعى №8 قالالىق مەكتەپتىڭ وقۋشىلارى مەن مۇعالىمدەرى "ماسلەنيتسا" مەرەكەسىن اتاپ ءوتۋ ءۇشىن ءبىلىم ورداسى اۋلاسىندا وت جاعىپ، دۋمانداتقان، دەپ حابارلايدى "ادىرنا" ۇلتتىق پورتالى.
اق جايىق باسىلىمىنىڭ ايتۋىنشا، ءدىني مەرەكەگە سوقتىققاندار جوق. الەۋمەتتىك جەلى قولدانۋشىلارىن مۇنداي ءىس-شارانىڭ مەكتەپ اۋلاسىندا وتكىزىلۋشى شامداندىرعان.
اتىراۋ وبلىسى اكىمىنىڭ ورىنباسارى جاسۇلان بيسەمبيەۆ Instagram-داعى تىكەلەي ەفير كەزىندە وسى جايتقا قاتىستى تۇسىنىكتەمە بەردى. ونىڭ ايتۋىنشا، مۇنداي ءىس-شارانى مەكتەپتە وتكىزۋگە بولمايدى.
ء"دىني سيپاتى بار ءىس-شارا مەكتەپتىڭ بازاسىندا وتكەن. بىراق قاۋىپسىزدىكتى ساقتاۋ ءۇشىن توتەنشە جاعدايلار ورگاندارىمەن كەلىسىلمەگەن. اتىراۋ قالالىق ءبىلىم بولىمىنە دە حابارلانباعان. مەكتەپتىڭ ديرەكتورى اتا-انالار ۇسىنىسىن قولداپ، ءبىلىم ورداسىنىڭ اۋلاسىندا الاۋ جاعۋعا رۇقسات بەرگەن. وسىعان بايلانىستى مەكتەپتىڭ ديرەكتورىنا قاتاڭ سوگىس بەرىلدى", - دەدى جاسۇلان بيسەمبيەۆ.
اكىم دە ماسەلەنىڭ ءمانىن ءدىني مەرەكەدەن ەمەس، ۇيىمداستىرۋشىلاردىڭ قىزمەتىنەن ىزدەپ، ءبىلىم ورداسىنىڭ اۋلاسىندا الاۋ تۇتاتۋعا بولمايتىنىن ايتادى.
"ادىرنا" ۇلتتىق پورتالى
