Áleýmettik jelide "Maslenıa" dinı merekesin mektep aýlasynda toılaǵandardy beıneleıtin vıdeo jarııalandy. Atyraýdaǵy №8 qalalyq mekteptiń oqýshylary men muǵalimderi "Maslenıa" merekesin atap ótý úshin bilim ordasy aýlasynda ot jaǵyp, dýmandatqan, dep habarlaıdy "Adyrna" ulttyq portaly.
Aq Jaıyq basylymynyń aıtýynsha, dinı merekege soqtyqqandar joq. Áleýmettik jeli qoldanýshylaryn mundaı is-sharanyń mektep aýlasynda ótkizilýshi shamdandyrǵan.
Atyraý oblysy ákiminiń orynbasary Jasulan Bısembıev Instagram-daǵy tikeleı efır kezinde osy jaıtqa qatysty túsinikteme berdi. Onyń aıtýynsha, mundaı is-sharany mektepte ótkizýge bolmaıdy.
"Dinı sıpaty bar is-shara mekteptiń bazasynda ótken. Biraq qaýipsizdikti saqtaý úshin tótenshe jaǵdaılar organdarymen kelisilmegen. Atyraý qalalyq bilim bólimine de habarlanbaǵan. Mekteptiń dırektory ata-analar usynysyn qoldap, bilim ordasynyń aýlasynda alaý jaǵýǵa ruqsat bergen. Osyǵan baılanysty mekteptiń dırektoryna qatań sógis berildi", - dedi Jasulan Bısembıev.
Ákim de máseleniń mánin dinı merekeden emes, uıymdastyrýshylardyń qyzmetinen izdep, bilim ordasynyń aýlasynda alaý tutatýǵa bolmaıtynyn aıtady.
"Adyrna" ulttyq portaly
