ە.ەرتىسباەۆ: شوراەۆ ءوزىنىڭ ارانداتۋشىلىق ارەكەتتەرىمەن ەلىمىزدىڭ كونستيتۋتسياسىن بۇزىپ وتىر

5098
Adyrna.kz Telegram

قازاقستان حالىق پارتياسى ارمان شوراەۆتىڭ ۇستىنەن باس پروكۋراتۋرا مەن وسك-عا شاعىم تۇسىرمەكشى. بۇل تۋرالى توراعا ەرمۇحامەت ەرتىسباەۆ ايتتى، دەپ حابارلايدى «ادىرنا» ءتىلشىسى.

«ءبىزدىڭ پارتياعا شابۋىل جالعاسۋدا جانە ونىڭ بەدەلىن تۇسىرۋگە ارەكەت جاسالىپ جاتىر. بۇل جولى مۇنداي شابۋىلدى ءوزىن-ءوزى ۇسىنعان كانديداتتاردىڭ ءبىرى جاسادى. ول الەۋمەتتىك جەلىدەگى پاراقشاسىندا «وسى ساتقىندارعا داۋىس بەرمەڭدەر» دەگەن ۇندەۋ جاريالادى. باسقا جاعدايلاردا بۇل بايقالماۋى مۇمكىن. بىراق بۇل جولعى شابۋىل بەلسەندى سايلاۋ ناۋقانى كەزىندە بۇكىل پارتياعا قارسى جاسالدى جانە بىزگە دەگەن سەنىمگە نۇقسان كەلتىرۋگە باعىتتالعانى انىق. بلوگەر ارمان شوراەۆ ءبىزدىڭ پارتيامىزدىڭ ار-نامىسى مەن قادىر-قاسيەتىنە نۇقسان كەلتىرەتىن جالعان مالىمەتتەردى جاپپاي تاراتۋمەن اينالىساتىنى تۋرالى وزىنە ەسەپ بەرۋى كەرەك»،—دەدى ول.

سونداي-اق توراعا قوعام بەلسەندى ءوزىنىڭ ارانداتۋشىلىق ارەكەتتەرىمەن ەلىمىزدىڭ كونستيتۋتسياسىن بۇزىپ وتىرعانىن اتاپ ءوتتى.

پىكىرلەر