24 aqpanda Astanada Beıbarys sultan atyndaǵy kósheniń ashylý saltanaty ótti, dep habarlaıdy «Adyrna» tilshisi Mádenıet jáne sport mınıstrliginiń baspasóz qyzmetine silteme jasap.
Basqarma bastamasymen uıymdastyrylǵan saltanatty is-shara tarıhı tulǵanyń 800 jyldyǵyna oraılastyryldy. Ashat Oralov ashylý saltanatyna qatysty.
«Bul kúnge biz óte muqııat daıyndaldyq. Onyń mańyzdylyǵyn eskere otyryp, mádenıet jáne sport mınıstrligi Qazaqstannyń astanasynda kórnekti qolbasshynyń esimin máńgilikke qaldyrý týraly sheshim qabyldady», - dedi mınıstr.
Jan-jaqty taldaýdan keıin tańdaý Saryarqa aýdanyndaǵy №189 kóshege tústi. Bul uzyndyǵy 2 km-den asatyn alty jolaqty kóshe.
«Osyndaı aýqymdy is-sharalarmen biz Beıbarys sultannyń mereıtoıyn atap ótip qana qoımaı, bizdiń de, búkil túrki tarıhy úshin de mańyzdy tulǵaǵa qurmet kórsetemiz. Onyń taǵylymdy isterimen jas urpaqty tanystyramyz. Beıbarys sultan esimin halyq jadynda máńgi saqtaımyz», - dep atap ótti Ashat Oralov.
Beıbarys sultannyń 800 jyldyǵyna arnalǵan akııalar munymen bitpeıdi. Bıyl Mádenıet jáne sport mınıstrligi ataýly kúnge oraı birqatar is-sharalardy josparlap otyr. Olar búkil elimizde jáne odan tys jerlerde ótedi.
