اقتوبەدەگى اسكەري بولىمدە قاتارلاسىنىڭ جاعىن سىندىرعان جاۋىنگەرگە قاتىستى قىلمىستىق ءىس قوزعالدى. 18 جاستاعى ساربازدى وڭىردەگى اسكەري گارنيزوننىڭ ءتارتىپ ساقشىلارى تەرگەپ جاتىر، دەپ حابارلايدى «ادىرنا» ءتىلشىسى «كتك»-عا سىلتەمە جاساپ.
جابىرلەنۋشى مەن ونى سوققىعا جىققان جىگىت اقتوبەدەگى ارتيللەريا جانە راكەتا بولىمىندە وتان الدىنداعى بورىشىن وتەۋدە. جىل باسىندا اقتاۋداعى بولىمنەن وسىندا اۋىستىرىلىپتى. كەزەكشىلىكتە جۇرگەن جاۋىنگەردى قاتارلاسى العاشقىدا ءتۇيىپ ءوتىپ، كەيىن بولەك بولمەگە اپارىپ اياۋسىز سوققىعا جىعادى. باسىنان جاراقات الىپ جاعى سىنعان ساربازعا اسكەري ءبولىم باسشىلارى دەر كەزدە كومەك بەرمەپتى. تەك ەسىنەن تانعان كەزدە عانا گوسپيتالگە ەمەس، وبلىستىق اۋرۋحاناعا جەتكىزگەن. ونىمەن قويماي، دارىگەرلەر ءتارتىپ ساقشىلارىن شاقىرعاندا اسكەري ءبولىم باسشىلارىنىڭ ءبىرى السىرەپ جاتقان ساربازدى كەرى الىپ كەتپەك بولادى. قازىر اسكەردەگى الىمجەتتىكتى جاسىرماق بولعاندارعا قاتىستى تەرگەۋ ءجۇرىپ جاتىر. كومانديرلەرگە قانداي شارا قولدانىلاتىنى بەلگىسىز. ويتكەنى ازىرگە تەك قاتارلاسىن ۇرعان جاۋىنگەرگە ءىس قوزعالدى.
«وسى وقيعاعا قاتىستى قىلمىستىق ءىس قوزعالدى. اسكەري پوليتسيا تەرگەپ جاتىر. جاراقات العان جاۋىنگەر الماتى قالاسىنداعى گوسپيتالدە ەمدەلىپ جاتىر. ونىڭ سول جاعى سىنىپ، دارىگەلەر وپەراتسيا جاساعان. قازىر جاعدايى تۇراقتى. ونىڭ اسكەري بورىشىن وتەپ، ۇيىنە قايتۋىنا ءالى سەگىز اي بار»،—دەدى 30238 اسكەري ءبولىمى كومانديرىنىڭ ورىنباسارى رينات ءشارىپوۆ.
