«اماNات» پارتياسى وكىلدەرىنىڭ سايلاۋالدى ۇگىت-ناسيحات جۇمىستارى جالعاسۋدا

3148
Adyrna.kz Telegram

«اماNات» پارتياسى وكىلدەرىنىڭ سايلاۋالدى ۇگىت-ناسيحات جۇمىستارى جالعاسۋدا. وبلىستىق ماسليحاتقا ۇمىتكەرلەر – راحات تۇرلىباي، جاميليا ەرنازاروۆا، سەرىك جارتىباەۆتار بار ۇگىت-ناسيحات توبى پاۆلودار اۋدانىن ارالاۋعا شىقتى.

العاشقى كەزدەسۋ چەرنوياركا اۋىلىنداعى «رۋبيكوم» جشس-دە بولدى.  قازىرگى كۇنى پاۆلودار اقپاراتتىق-تەحنولوگيالىق كوللەدجىنىڭ ديرەكتورى، وبلىستىق ءماسليحات دەپۋتاتتىعىنا ۇمىتكەر سەرىك جارتىباەۆ پارتيانىڭ سايلاۋالدى باعدارلاماسىمەن تانىستىرىپ، الداعى ماقسات-مىندەتتەرىنە توقتالدى. سەبەبى، اتالعان كانديداتتىڭ سايلاۋ وكرۋگىنە پاۆلودار جانە ۋسپەن اۋداندارى كىرەدى. سوندىقتان، بۇل اۋدانداردىڭ ماسەلەسىنە بەي-جاي قارامايتىنىن جەتكىزدى.

-مەن ءبىلىم بەرۋ سالاسىندا 20 جىل جۇمىس ىستەپ كەلەمىن. مەنىڭ ەڭبەك جولىم پاۆلودار اۋدانى روزوۆ ورتا مەكتەبىندە باستالعان. ۇزاق جىل كەمەڭگەر اۋىلىنداعى اگرارلىق-تەحنيكالىق كوللەدجىن باسقارىپ، اۋىل شارۋاشىلىعى ماماندارىن دايىندادىق. سىزدەر جۇمىس ىستەيتىن «رۋبيكوم» كاسىپورنىمەن بايلانىسىمىز مول. مۇندا ءبىزدىڭ ستۋدەنتتەرىمىز تاجىريبەدەن ءوتتى. پاۆلودار وبلىسىندا سوڭعى جىلدارى جۇمىس كوپ اتقارىلدى. ماسەلەن، مەكتەپ وقۋشىلارىن تەگىن تاماقتاندىرۋدى ءبىرىنشى بولىپ باستادىق.

قازىرگى تاڭدا دارىگەرلەردىڭ جەتىسپەۋشىلىگى وزەكتى ماسەلە. بيىل وسى ماقساتتا اۋدان اۋىلدارعا 77 دارىگەر تارتىلىپ، بيۋدجەتتەن كوتەرمە اقى ءبولىندى. دەگەنمەن مۇنىمەن ماسەلە شەلىلمەيدى. الداعى ۋاقىتتا بارلىعى 389 جاس مامان اۋىلدارعا كەلەتىن بولادى. وسى ماقساتتا بيۋدجەتتەن قاراجات قاراستىرىلدى، - دەدى سەرىك تىلەۋحانۇلى.

كەزدەسۋگە اۋداندىق ءماسليحاتتىڭ كانديداتتارى دا قاتىستى. پارتيا دەلەگاتسياسى جۇمىسشىلارمەن اڭگىمەلەسىپ، ارىز-شاعىمدارىن ەسەپكە الدى.

كانديداتتار وسى ساپار بارىسىندا پاۆلودار اۋدانى نابەرەجنوە اۋىلدىق مادەنيەت ۇيىندە اۋىل جاستارىمەن كەزدەسىپ، ولاردىڭ پىكىرلەرىن تىڭدادى. سونىمەن قاتار، روزوۆ، كەمەڭگەر اۋىلدارىنىڭ تۇرعىندارىمەن كەزدەستى. ودان بولەك «ەسىكتەن ەسىككە دەيىن» اكتسياسى اياسىندا ەفرەموۆكا اۋىلىندا تۇراتىن ارداگەرلەردىڭ ۇيلەرىن ارالاپ، 19 ناۋرىز كۇنى بولاتىن سايلاۋ ناۋقانىنا قاتىسۋ ماڭىزىدىلعىن ءتۇسىندىردى.

پىكىرلەر