«AMANAT» partııasy ókilderiniń saılaýaldy úgit-nasıhat jumystary jalǵasýda. Oblystyq máslıhatqa úmitkerler – Rahat Turlybaı, Jamılıa Ernazarova, Serik Jartybaevtar bar úgit-nasıhat toby Pavlodar aýdanyn aralaýǵa shyqty.
Alǵashqy kezdesý Chernoıarka aýylyndaǵy «Rýbıkom» JShS-de boldy. Qazirgi kúni Pavlodar aqparattyq-tehnologııalyq kolledjiniń dırektory, oblystyq máslıhat depýtattyǵyna úmitker Serik Jartybaev partııanyń saılaýaldy baǵdarlamasymen tanystyryp, aldaǵy maqsat-mindetterine toqtaldy. Sebebi, atalǵan kandıdattyń saılaý okrýgine Pavlodar jáne Ýspen aýdandary kiredi. Sondyqtan, bul aýdandardyń máselesine beı-jaı qaramaıtynyn jetkizdi.
-Men bilim berý salasynda 20 jyl jumys istep kelemin. Meniń eńbek jolym Pavlodar aýdany Rozov orta mektebinde bastalǵan. Uzaq jyl Kemeńger aýylyndaǵy agrarlyq-tehnıkalyq kolledjin basqaryp, aýyl sharýashylyǵy mamandaryn daıyndadyq. Sizder jumys isteıtin «Rýbıkom» kásipornymen baılanysymyz mol. Munda bizdiń stýdentterimiz tájirıbeden ótti. Pavlodar oblysynda sońǵy jyldary jumys kóp atqaryldy. Máselen, mektep oqýshylaryn tegin tamaqtandyrýdy birinshi bolyp bastadyq.
Qazirgi tańda dárigerlerdiń jetispeýshiligi ózekti másele. Bıyl osy maqsatta aýdan aýyldarǵa 77 dáriger tartylyp, bıýdjetten kóterme aqy bólindi. Degenmen munymen másele shelilmeıdi. Aldaǵy ýaqytta barlyǵy 389 jas maman aýyldarǵa keletin bolady. Osy maqsatta bıýdjetten qarajat qarastyryldy, - dedi Serik Tileýhanuly.
Kezdesýge aýdandyq máslıhattyń kandıdattary da qatysty. Partııa delegaııasy jumysshylarmen áńgimelesip, aryz-shaǵymdaryn esepke aldy.
Kandıdattar osy sapar barysynda Pavlodar aýdany Naberejnoe aýyldyq mádenıet úıinde aýyl jastarymen kezdesip, olardyń pikirlerin tyńdady. Sonymen qatar, Rozov, Kemeńger aýyldarynyń turǵyndarymen kezdesti. Odan bólek «Esikten esikke deıin» akııasy aıasynda Efremovka aýylynda turatyn ardagerlerdiń úılerin aralap, 19 naýryz kúni bolatyn saılaý naýqanyna qatysý mańyzydylǵyn túsindirdi.
