Aqtöbe qalasynda №23 orta mektep-liseiınen ört şyqty. Mekteptegı 900-den astam oquşy men mūǧalım evakusiialandy. Būl turaly oblystyq TJD baspasöz qyzmetı mälımdedı, dep habarlaidy “Adyrna” ūlttyq portaly.
Aqparat boiynşa, oqiǧa bügın saǧat 08:01-de tırkelgen.
112 qūtqaru qyzmetıne Aqtöbe qalasy Astana audanynyŋ Sätpaev köşesınde ornalasqan №23 orta mektep-liseiınde ört şyqqany turaly habar tüsken.
Şaqyrtu ornyna jedel türde 53 qūtqaruşy men 14 tehnika jıberıldı.
«Şaqyrtu ornyna qūtqaruşylar jetken kezde 1-qabatta ornalasqan kabinettıŋ janyp jatqany anyqtaldy. Qūtqaruşylardyŋ jedel äreketınıŋ arqasynda mektep-liseiden 890 oquşy jäne 60 mūǧalım evuakasiialandy. Zardap şekkender joq. Ört saǧat 08:12-de tolyqtai söndırıldı. Ört elektr symynyŋ qysqa tūiyqtaluynan şyǧuy mümkın. Aqtöbe oblysy TJD ört qauıpsızdık erejelerın qataŋ saqtaudy eskertedı»,- dedı departamentten.
TJD tūrǧyndarǧa qysqa tūiyqtaluǧa jol bermeu erejesın qataŋ saqtaudy eskerttı.
«Rozetkalardy elektr qūrylǧylarymen toltyrmaǧan jön. Elektr jelısıne şamadan tys jük tüsse, avtomatty öşıru qūrylǧysy maŋyzdy röl atqarady. Üide jöndeu jäne şaruaşylyq jūmystaryn mūqiiat jürgızıŋız»,- dep eskerttı oblystyq TJD baspasöz qyzmetı.
