ماڭعىستاۋ وبلىسى باياندى اۋىلى ىشىمدىكتەن باسى ءبۇتىن باس تارتتى، دەپ حابارلايدى «ادىرنا» ءتىلشىسى.
اتقارۋشى بيلىك، قۇقىق قورعاۋ ورگاندارى مەن اۋىل كاسىپكەرلەرى وكىلدەرى الكوگول ونىمدەرىن ساتۋعا جانە ساتىپ الۋعا جول بەرمەۋ بويىنشا ءوزارا ىنتىماقتاستىق تۋرالى مەموراندۋمعا قول قويدى. ولار بۇل قادام قىلمىستىڭ ازايۋىنا كومەكتەسەدى دەپ ۇمىتتەنەدى.
«مەموراندۋمنىڭ ماقساتى – باياندى اۋىلىندا ماس كۇيىندە جاسالعان قىلمىستاردىڭ الدىن الۋ، سونىمەن قاتار ەلدى مەكەندى ۇلگىلى اۋىل رەتىندە كورسەتۋ»،—دەيدى ماماندار.
ايتا كەتەيىك، وسىدان ءبىر اي بۇرىن سولتۇستىك قازاقستان وبلىسىنداعى كوۆىلنوە اۋىلىنىڭ تۇرعىندارى دا ىشىمدىكتەن باس تارتقان بولاتىن.
