بۇگىن وسك Respublica پارتياسى سىرىمبەك تاۋدىڭ ءماجىلىس سايلاۋىنان شەتتەتىلۋى جايلى مالىمدەمە جاسادى، دەپ حابارلايدى "ادىرنا" ۇلتتىق پورتالى.
مالىمدەمەدە Respublica پارتياسى بىردەن بەرىلمەيتىنىن، كۇرەستى ءالى جالعاستىراتىنىن ايتتى:
- بالكىم، فورمالدىق دۇنيە وتە ماڭىزدى شىعار، بىراق ول وتە لايىق كانديدات بولدى.
سىرىمبەك نولدەن باستاپ جەكە كاسىبىن اشىپ، 600 دەن استام ادامدى جۇمىسپەن قامتىپ، مەملەكەت بيۋدجەتىنە جالپى سوماسى 10 ميلليارد تەڭگەدەن استام سالىق تولەگەن.بىراق سىرىمبەك ەلگە كومەكتى تەك ەكونوميكالىق ۇلەسپەن عانا كورسەتىپ جۇرگەن جوق. قيىن-قىستاۋ كەزەڭدە دە حالقىنا قولداۋ كورسەتتى. پاندەميا كەزىندە ونىڭ كومپانياسى الماتىداعى 9800 وتباسىنا ازىق-تۇلىكپەن جاردەمدەستى، «ءبىز بىرگەمىز» جانە «شۇعىلا» قايىرىمدىلىق قورىنا قاراجات ءبولدى. «تاۋ شاڭىراق» قايىرىمدىلىق قورىنىڭ نەگىزىن قالاۋشىلاردىڭ ءبىرى. تالعار قالاسىنداعى بالالاردى وڭالتۋ ورتالىعىنىڭ قۇرىلىسىنا قوماقتى قارجى ءبولدى. سۋ تاسقىنىنان زارداپ شەككەن ارىس قالاسى مەن ماقتاارال اۋدانىنىڭ 100 تۇرعىنىنا كومەك كورسەتتى.
سىرىمبەك تاۋ – ناعىز ازاماتتىڭ جارقىن ۇلگىسى!
پارتيا توراعاسى ا.قوجانازاروۆ بولعان جاعدايعا قاراماستان،Respublica پارتياسى بەرىلمەيتىنىن، كۇرەستى جالعاستىرادى، - دەدى پارتيا وكىلدەرى.
بۇعان دەيىن Respublica پارتياسىنان ءماجىلىس دەپۋتاتتىعىنا تۇسەتىن ۇمىتكەرلەردىڭ ەسىمى بەلگىلى بولعان ەدى. ولاردىڭ اراسىندا نۇرلان قويانباەۆ، ايداربەك حودجانازاروۆ، قۋانىش شونباي سىندى تۇلعالاردىڭ ەسىمى اتالدى. سونداي-اق، تىزىمگە ەنگەن سىرىمبەك تاۋدىڭ ءبىر وكرۋگ بويىنشا سايلاۋعا قاتىساتىنى انىقتالعان ايتىلدى.
"ادىرنا" ۇلتتىق پورتالى
