كاسىپكەر سىرىمبەك تاۋ قاسىم-جومارت توقاەۆ پەن ۇلتتىق قۇرىلتاي مۇشەلەرىنىڭ الدىندا ۇسىنىسىن ايتتى. بۇل تۋرالى ول ءوزىنىڭ Facebook پاراقشاسىنا جاريالادى، دەپ حابارلايدى “ادىرنا” ۇلتتىق پورتالى.
“بىرىنشىدەن، جاڭادان قۇرىلعان ءۇش وبلىس ءۇش ءتۇرلى باعىتتا دامىسا دەدىم. ماسەلەن، وبلىستىڭ ءبىرى دەنساۋلىق سالاسىن مىقتاپ قولعا السا، ەكىنشىسىندە ءبىلىم سالاسى قارىشتاسا، ال ۇشىنشىسىندە بيزنەس قانات جايسا، يگى بولار ەدى.
ءار ءوڭىردىڭ مۇمكىندىگىنە قاراي وسى جاعدايلاردى ءتيىمدى پايدالانۋعا بولاتىنىن ايتقىم كەلەدى.
بۇدان بولەك وسى وبلىستارداعى اۋدان ورتالىقتارى مەن كەيبىر اۋىلداردى ۇلگىلىك نۇسقا رەتىندە سالىقتاردان بوساتىپ، ەركىن ەكونوميكالىق ايماق اشساق.
سول ۇلگىگە الىنعان مونوقالالار مەن اۋىلداردا شاعىن جانە ورتا بيزنەستى دامىتىپ، ەۋروپاداعىداي كوركەيگەن ەلدى مەكەندەردى اشۋعا بولادى. باتىستىڭ تاجىريبەسىنە سۇيەنە وتىرىپ، جەرىنىڭ استى باي، دالاسى كەڭ قازاقستاندا مۇنداي مۇمكىندىكتەردى ءتيىمدى پايدالانۋعا بولاتىنىن ايتقىم كەلەدى. قۇرىلتاي - مۇمكىندىكتەر مەن ۇسىنىس الاڭى! ءسوزىمىز ىسكە ءوتسىن!”، - دەدى ول.
“ادىرنا” ۇلتتىق پورتالى
