“الماتى سۋ” مەكەمەسىنىڭ باسشىلارى ءوسىپ تۇرعان ەگىندى تاپتاپ تاستادى. بۇل تۋرالى جالعاس نيازبەك ەسىمدى ازامات تيك-توك جەلىسىنە جاريالادى، دەپ حابارلايدى “ادىرنا” ۇلتتىق پورتالى.
بەينەجازبادا ءوزىن قاۋىپسىزدىك دەپارتامەنتىنىڭ باسشىسى تۇرسىنوۆ مارات دەپ تانىستىرعان ازامات ەگىندە جۇمىس ىستەپ جۇرگەن قىزمەتكەرگە ء“وسىپ تۇرعان ەگىندى تەگىستەپ تاستاڭىز” دەپ بۇيىرادى. ايتۋىنشا، جەر “الماتى سۋ” مەكەمەسىنە تيەسىلى ەكەن.
الايدا ءپىسىپ تۇرعان ەگىندى تاپتاعان ۆيدەو كوپتىڭ نارازلىعىن تۋدىردى. كاسىپكەر سىرىمبەك تاۋ Instagram پاراقشاسىنا جاريالاپ، پىكىرىن دە ءبىلدىردى.
“مىناۋ سۇمدىق ەندى! بۇنداي زاتتاردى سالماۋشى ەدىم. الەمدە نان تاپشى بولايىن دەپ جاتىر! ال ءبىز تاپتايمىز. شاش ال دەسە باس الادى مۇنداي دىكەكتەگەن ادامدار مەملەكەتتىك قىزمەتتە بولماۋ كەرەك! ەكى جاقتى شەشىمىن تاۋىپ 5 كۇن كۇتۋ كەرەك ەدى. بۇل قۇرلىس ەمەس ەگىن!”، دەپ جازدى سىرىمبەك تاۋ.
ۆيدەونى Telegram ارنامىزدان كورە الاسىز.
”ادىرنا” ۇلتتىق پورتالى
