مەملەكەت باسشىسى قاسىم-جومارت توقاەۆتىڭ «قازاقستان رەسپۋبليكاسى پارلامەنتى ءماجىلىسى مەن ءماسليحاتتار ساۋلاۋىن وتكىزۋ تۋرالى» جارلىعىنا سايكەس، 2023 جىلدىڭ 19 ناۋرىزى كۇنى ەلىمىزدە كەزەكتەن تىس ءماجىلىس پەن ءماسليحاتتار سايلاۋى وتەدى.
بىلتىرعى پرەزيدەنت سايلاۋى قارساڭىندا قوعامدىق باستاما نەگىزىندە ەسىمدەرى ەلگە بەلگىلى ازاماتتار قۇرعان «BAQYLA» قوعامدىق قوزعالىسى الداعى ءماجىلىس پەن ءماسليحاتتار سايلاۋى قارساڭىندا ەلىمىزدىڭ بارلىق وڭىرلەرىنەن باقىلاۋشىلاردى دايارلاۋ كۋرستارىن ۇيىمداستىرىپ، 19 ناۋرىز كۇنى وتەتىن كەزەكتەن تىس سايلاۋدا باقىلاۋشىلار توبىن جاساقتاۋدى جوسپارلاپ وتىر.
وسىعان بايلانىستى 2023 جىلدىڭ 14 اقپانى كۇنى الماتى قالاسىندا «BAQYLA» قق باستاماشىلارى ارنايى ءباسپاسوز جيىنىن وتكىزدى. ءباسپاسوز جيىنىندا «BAQYLA» قق باقىلاۋشىلاردى دايارلاۋ كۋرستارىن قالاي ۇيىمداستىرادى تالقىلانىپ، ساراپشىلار جان-جاقتى پىكىر ءبىلدىردى.
ءسوز تىزگىنىن ۇستاپ، پايىم-پىكىر بىلدىرگەندەردىڭ قاتارىندا: ساياساتكەر دوس كوشىم، ساياساتتانۋشى ەدۋارد پولەتاەۆ، ساياساتكەر، بلوگەر، ءسابيت رىسپاەۆ، الماتى قالالىق شتاب جەتەكشىسى اسەت بازارباي بار.
القالاستار اراسىنان ءسوز العان ساياساتكەر، وقىتۋشى دوس كوشىم:
- سايلاۋدى باقىلاۋ – سايلاۋ ۋچاسكەسىندەگى ءبىر كۇندىك ارەكەتپەن شەكتەلمەيدى. ازماتتار سايلاۋدى باقىلاۋعا قاتىسۋ ارقىلى وزدەرىنىڭ ازاماتتىق-ساياسي كوزقاراستارىن قالىپتاستىرادى، قازاق ەلىندەگى سايلاۋ جۇيەسىن وزگەرتۋگە دە ۇلەستەرىن قوسادى. بيلىك، وكىنىشكە وراي، سايلاۋ جۇيەسىنىڭ اشىقتىعى مەن جاريالىلىعىن نىعايتۋدان كورى سايلاۋدى باقىلاۋ پروتسەسىن قىيىنداتۋ باعىتىندا بىرنەشە وزگەرتۋلەر ەنگىزىپ وتىر. ەلىمىزدەگى قۇقىق قورعاۋ ورگاندارىنىڭ سايلاۋ بارىسىنداعى زاڭسىزدىقتارعا توسقاۋىل قويۋعا قۇلىقسىز ەكەنى دە بەلگىلى. دەمەك باقىلاۋشىلاردىڭ سايلاۋ زاڭىن مەڭگەرۋى مەن وزدەرىنىڭ قۇقىقتارىن ءبىلىپ قويۋى جەتكىلىكسىز، ولارعا «مىنەز» كەرەك، - دەپ كەسىپ ايتتى.
ساياساتتانۋشى ەدۋارد پولەتاەۆ بۇل ماسەلەگە اقپاراتتىق اشىقتىق، باقىلاۋشى ينستيتۋتىنىڭ قىزمەتى تۇرعىسىنان كەلىپ، داۋىس بەرۋ ءۇردىسى جايلى وي ءبولىستى.
- سايلاۋداعى قوعامدىق باقىلاۋ، ءبىرىنشى كەزەكتە، سايلاۋ پروتسەسىنىڭ اقپارتتىق اشىقتىعىن، سونداي-اق بايقاۋشىلار ينستيتۋتىنىڭ جۇمىس ىستەۋىن قامتاماسىز ەتەدى. داۋىس بەرۋ كەزىندەگى ازاماتتىق باقىلاۋ الەمنىڭ كوپتەگەن ەلدەرىندە كەڭ تاراعان ءۇردىس. بۇل سايلاۋ پروتسەسىنىڭ اشىقتىعىن كورسەتەتىن دالەلدەنگەن قۇرال.
الداعى كۇندەرى باقىلاۋشىلاردى تارتۋ ءۇشىن اقپاراتتىق ارنالار مەن الەۋمەتتىك جەلىلەر پايدالانىلاتىن بولادى. باقىلاۋشىلار ارنايى تۇردە سايلاۋ پروتسەسىن باقىلاۋ تەورياسى مەن پراكتيكاسى بويىنشا ارنايى ۇيىمداستىرىلعان كۋرستاردا ءبىلىمى مەن بىلىگىن جەتىلدىرەدى. مۇنداي قادامدار، ءسوزسىز، قوعامداعى سايلاۋ ناسيحاتىن جانداندىرۋعا، بەلسەندىلىگىن ارتتىرۋعا، ازاماتتاردىڭ ساياسي بىلىگىن جانداندىرۋعا ىقپال ەتەتىن بولادى.
"ادىرنا" ۇلتتىق پورتالى
