«BAQYLA» QQ baqylaýshylardy daıarlaý kýrstaryn uıymdastyrý jaıyn talqylady

2190
Adyrna.kz Telegram

Memleket basshysy Qasym-Jomart Toqaevtyń «Qazaqstan Respýblıkasy Parlamenti Májilisi men máslıhattar saýlaýyn ótkizý týraly» Jarlyǵyna sáıkes, 2023 jyldyń 19 naýryzy kúni elimizde kezekten tys Májilis pen máslıhattar saılaýy ótedi.

Byltyrǵy Prezıdent saılaýy qarsańynda qoǵamdyq bastama negizinde esimderi elge belgili azamattar qurǵan «BAQYLA» qoǵamdyq qozǵalysy aldaǵy Májilis pen máslıhattar saılaýy qarsańynda elimizdiń barlyq óńirlerinen baqylaýshylardy daıarlaý kýrstaryn uıymdastyryp, 19 naýryz kúni ótetin kezekten tys saılaýda baqylaýshylar tobyn jasaqtaýdy josparlap otyr.

Osyǵan baılanysty 2023 jyldyń 14 aqpany kúni Almaty qalasynda «BAQYLA» QQ bastamashylary arnaıy baspasóz jıynyn ótkizdi. Baspasóz jıynynda «BAQYLA» QQ baqylaýshylardy daıarlaý kýrstaryn qalaı uıymdastyrady talqylanyp, sarapshylar jan-jaqty pikir bildirdi.

Sóz tizginin ustap, paıym-pikir bildirgenderdiń qatarynda: saıasatker Dos Kóshim, saıasattanýshy Edýard Poletaev, saıasatker, bloger, Sábıt Ryspaev,  Almaty qalalyq shtab jetekshisi Áset Bazarbaı bar.

Alqalastar arasynan sóz alǵan saıasatker, oqytýshy Dos Kóshim: 

- Saılaýdy baqylaý – saılaý ýchaskesindegi bir kúndik áreketpen shektelmeıdi. Azmattar saılaýdy baqylaýǵa qatysý arqyly ózderiniń azamattyq-saıası kózqarastaryn qalyptastyrady, Qazaq elindegi saılaý júıesin ózgertýge de úlesterin qosady. Bılik, ókinishke oraı, saılaý júıesiniń ashyqtyǵy men jarııalylyǵyn nyǵaıtýdan kóri saılaýdy baqylaý proesin qyıyndatý baǵytynda birneshe ózgertýler engizip otyr.  Elimizdegi quqyq qorǵaý organdarynyń saılaý barysyndaǵy zańsyzdyqtarǵa tosqaýyl qoıýǵa qulyqsyz ekeni de belgili. Demek baqylaýshylardyń saılaý zańyn meńgerýi men ózderiniń quqyqtaryn bilip qoıýy jetkiliksiz, olarǵa «minez» kerek, - dep kesip aıtty.

Saıasattanýshy Edýard Poletaev bul máselege aqparattyq ashyqtyq, baqylaýshy ınstıtýtynyń qyzmeti turǵysynan kelip, daýys berý úrdisi jaıly oı bólisti.

- Saılaýdaǵy qoǵamdyq baqylaý, birinshi kezekte, saılaý proesiniń aqparttyq ashyqtyǵyn, sondaı-aq baıqaýshylar ınstıtýtynyń jumys isteýin qamtamasyz etedi. Daýys berý kezindegi azamattyq baqylaý álemniń kóptegen elderinde keń taraǵan úrdis. Bul saılaý proesiniń ashyqtyǵyn kórsetetin dáleldengen qural.

Aldaǵy kúnderi baqylaýshylardy tartý úshin aqparattyq arnalar men áleýmettik jeliler paıdalanylatyn bolady. Baqylaýshylar arnaıy túrde saılaý proesin baqylaý teorııasy men praktıkasy boıynsha arnaıy uıymdastyrylǵan kýrstarda bilimi men biligin jetildiredi. Mundaı qadamdar, sózsiz, qoǵamdaǵy saılaý nasıhatyn jandandyrýǵa, belsendiligin arttyrýǵa, azamattardyń saıası biligin jandandyrýǵa yqpal etetin bolady.

 

"Adyrna" ulttyq portaly 

Pikirler