الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى الكوگولدىك ءونىمنىڭ زاڭسىز اينالىمىنا قارسى ءىس-قيمىلدار جۇرگىزۋدە، دەپ حابارلايدى “ادىرنا” ۇلتتىق پورتالى.
زاڭسىز الكوگولدىك ءونىم كوبىنەسە استىرتىن تسەحتاردا جاسالىپ نارىققا ساپاسى تومەن ءونىم رەتىندە تومەندەتىلگەن باعامەن ساتىلادى.
جالپى 2022 جىلى الماتىدا زاڭسىز الكوگولدىك ءونىم جاسالاتىن 9 استىرتىن تسەحتىڭ قىزمەتى انىقتالدى. جۇرگىزىلگەن جەدەل ىزدەستىرۋ شارالارى بارسىندا، 600 مىڭنان اسا كۇماندى الكوگولدى ونىمدەر تاركىلەندى، 10 مىڭنان اسا جالعان اكتسيزدىك ماركالار تاركىلەنگەن بولاتىن.
استىرتىن تسەحتار كوبىنەسە الماتىنىڭ شەت جاعىنداعى ىقشام اۋدانداردا انىقتالعان، انتي-سانيتاريالىق جاعدايلاردا ونىمدەرىن جاساپ، قالاداعى كىشىگىرىم دۇكەندەرگە نارىقتاعى باعادان تومەندەتىلگەن باعادا ساتىپ وتىرعان.
“ادىرنا” ۇلتتىق پورتالى
