Алматы қаласы бойынша Экономикалық тергеп-тексеру департаменті алкогольдік өнімнің заңсыз айналымына қарсы іс-қимылдар жүргізуде, деп хабарлайды “Адырна” ұлттық порталы.
Заңсыз алкогольдік өнім көбінесе астыртын цехтарда жасалып нарыққа сапасы төмен өнім ретінде төмендетілген бағамен сатылады.
Жалпы 2022 жылы Алматыда заңсыз алкогольдік өнім жасалатын 9 астыртын цехтің қызметі анықталды. Жүргізілген жедел іздестіру шаралары барсында, 600 мыңнан аса күмәнді алкогольді өнімдер тәркіленді, 10 мыңнан аса жалған акциздік маркалар тәркіленген болатын.
Астыртын цехтар көбінесе Алматының шет жағындағы ықшам аудандарда анықталған, анти-санитариялық жағдайларда өнімдерін жасап, қаладағы кішігірім дүкендерге нарықтағы бағадан төмендетілген бағада сатып отырған.
“Адырна” ұлттық порталы
