ۇكىمەت ۇيىندە قر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ توراعالىعىمەن حالىقارالىق گۋمانيتارلىق كومەك ماسەلەلەرى جونىندەگى كوميسسيانىڭ وتىرىسى ءوتتى. بۇل تۋرالى ۆەدومستۆونىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
وتىرىستا جويقىن جەر سىلكىنىستەرىنەن زارداپ شەككەن سيريا اراب رەسپۋبليكاسىنا 50 توننا گۋمانيتارلىق كومەك جىبەرۋ تۋرالى شەشىم قابىلداندى. مەملەكەتتىك ماتەريالدىق رەزەرۆتەن كونسەرۆىلەنگەن ونىمدەر، جىلى كيىم-كەشەكتەر، قىسقى شاتىرلار، كەرەۋەتتەر مەن توسەك-ورىن جابدىقتارى بولىنەدى.
جۇك يسلام ىنتىماقتاستىعى ۇيىمىنىڭ جەلىسى بويىنشا الەپپو قالاسىنا ءتورت اۋە رەيسىمەن جەتكىزىلمەك.
ايتا كەتەيىك، مەملەكەت باسشىسى قاسىم-جومارت توقاەۆ ۇكىمەتكە سيرياعا گۋمانيتارلىق كومەك كورسەتۋ تۋرالى تاپسىرما بەرگەن بولاتىن.
