ەسەپ-قيساپشى، قازاق ەلىنە كەلىپ، شاكىرتتەرگە ارا-تۇرا ءدارىس وقىپ جۇرگەن ورىستىڭ عالىمسىماعى الەكسەي ساۆۆاتەەۆ ۋكراين، بەلارۋس، قازاققا قاتىستى سىڭارجاق پىكىر ءبىلدىردى. ول ءوز سوزىندە سىيىرقۇيىمشاقتانىپ، قازاق ەلىنىڭ سولتۇستىك ايماقتارىن تۇتاستاي "رەسەي" سانايتىنىن ايتتى، دەپ جازدى "ادىرنا" ۇلتتىق پورتالى.
جەل سوزگە كوپ ەرىك بەرەتىن ستۋديا قوناعى ءوزىنىڭ ءبىرىنشى ءتىلى، كەيىن ميى جۇمىس ىستەيتىندىگىن سۇحبات بارىسىندا اشىق بايقاتادى. ماسەلەن:
- قازاقتار دا ورىسقا جاتا ما [قويىلعان سۇراق]؟
- قازاقتار باسقا ۇلت. ولار ءبىزدىڭ ىلاۋىمىزدا. مەنىڭشە، ولارعا رەسەيدىڭ قول استىندا بولعان - جايلى. بۇل سۇراقتىڭ فيلوسوفيالىق سارىنى بار. رەسەيدىڭ كەڭەيۋى بارىسىن الايىق. قازاق ەلى ولاردىڭ جەرىندەگى ورىسقا قاباق شىتپاسا، ازىرگە كوڭىلىم تولادى. بىراق بەلگىلى ءبىر ۋاقىتقا عانا. سولتۇستىگىك قازاق ەلى دەگەنىڭ - تەگىس ورىس. قازاق ەلىنىڭ سولتۇستىگى دەگەنىڭ - رەسەي، - دەيدى عالىمسىماق ساۆۆاتاەەۆ.
عالىمسىماق تەلپەكبايدىڭ پىكىرىنە تابىنىپ جاتقان ورىستار كوپ. ولار ساۆۆاتاەەۆتىڭ سارقىنىن ءىشىپ، "اسقىن ءبىلىمى" ءۇشىن العىس جاۋدىرىپ جاتىر.
"ادىرعا" ۇلتتىق پورتالى
