Qaıratker Ashat Aımaǵambetov ustazdyq qyzmetke kiristi. Elimizdiń bas ustazy qyzmetin abyroımen atqarǵan azamat M.Nárikbaev atyndaǵy KAZGIýÝ Ýnıversıtetine oqytýshy retinde qabyldandy. Onyń mol tájirıbesi men tereń bilimi, taǵlymdy parasaty shákirt kókiregine sáýle quıyp, sanasyn ashary sózsiz, dep habarlaıdy "Adyrna" ulttyq portaly.
Ashat Qanatuly Aımaǵambetov – 2019–2022 jyldary Bilim jáne ǵylym mınıstri.
2022-2023 jyldary Qazaqstan Respýblıkasynyń Oqý-aǵartý mınıstri bolyp qyzmet etti.
Endi búgingi kúnnen bastap M.Nárikbaev atyndaǵy KAZGIýÝ Ýnıversıtetinde dáris oqıtyn bolady. Ashat Qanatuly bizdiń stýdentterimizge óz tájirıbesimen bólisip, tulǵa bolyp qalyptasýyna úlken septigin tıgizetinine senimdimiz.
«Túrli usynystar bar, tıisti josparlarym bar ekenin de jasyrmaımyn. Suhbatta da aıttym. Ol týraly naqty bir-eki kúnde belgili bolady. Biraq oqytýshylyq jumysty qandaı qyzmet bolsa da birge alyp júrýge bolady, sondyqtan aǵartýshylyq eńbegimdi osylaı birge alyp júrip jalǵastyramyn» – dedi Ashat Aımaǵambetov.
"Adyrna" ulttyq portalynyń ujymy ult úshin, ulttyq múdde úshin aıanbaı qyzmet etken azamatqa tolaıym tabys, asqaq abyroı, jemisti jyldar tileıdi.
"Adyrna" ulttyq portaly
